ଆସନ୍ତାକାଲି ନବଯୌବନ ଦର୍ଶନ। ୧୫ ଦିନ ଅଣସର ପରେ ସୁସ୍ଥ ହୋଇଛନ୍ତି ଶ୍ରୀ ଜିଉ। ମହାପ୍ରଭୁଙ୍କ ନବଯୌବନ ଦର୍ଶନ କରିବେ ଶ୍ରଦ୍ଧାଳୁ। ଆଜି ଅଣସର ତ୍ରୟୋଦଶୀ ଦିନ। ଚତୁର୍ଦ୍ଧାମୂର୍ତ୍ତିଙ୍କ ଗୁପ୍ତ ସେବାରେ ଘଣାଲାଗି ଓ ଶ୍ରୀପୟର ମୁଦା ଉପଲକ୍ଷେ ପାଟଡ଼ୋର, ଖଳି ପ୍ରସାଦ ଓ ଖଡ଼ି ପ୍ରସାଦ ଲାଗି ହୋଇଥାଏ।
ଘଣ୍ଟ, ଛତା, କାହାଳୀ ସହ ଖଳି ପ୍ରସାଦ ଅଣସର ସୁଦ୍ଧସୁଆର ଘରଠାରୁ ଶ୍ରୀମନ୍ଦିରକୁ ବିଜେ କରାଯାଇଥାଏ। ଆସନ୍ତାକାଲି ମହାପ୍ରଭୁଙ୍କ ନବଯୌବନ ଦର୍ଶନ। ବଡ଼ସିଂହାର ଧୂପ ପରେ ପଣା ଓ ଚକଟା ଭୋଗ ସରିବା ପରେ ଦତ୍ତ ମହାପାତ୍ର ଭୂମି ମାପକରି ବନକ ଲାଗି କରାଯିବ। ମଙ୍ଗଳ ଆଳତି, ଅବକାଶ ନୀତି ପରେ ନବଯୌବନ ଦର୍ଶନ ହେବ।
Leave a Reply