ଓର୍କେଲ ପୋଲିସ ପକ୍ଷରୁ ପୁରୁଣା ଚି଼ମଟାପାଲ୍ଲୀ ପଞ୍ଚାୟତରେ ଅନୁଷ୍ଠିତ ହେଲା ଆମ ପୋଲିସ ସମିତି
ମାଲକାନଗିରି:ଦର୍ଶନ ସମୀକ୍ଷା
ମାଲକାନଗିରି ଜିଲ୍ଲା ଓର୍କେଲ ପୋଲିସ ପକ୍ଷରୁ ରବିବାର ପୂର୍ବାହ୍ନ ୧୧ ଘଟିକା ସମୟରେ କୋରୁକୋଣ୍ଡା ବ୍ଲକ ପୁରୁଣା ଚି଼ମଟାପାଲ୍ଲୀ ପଞ୍ଚାୟତ ଅଧିନସ୍ଥ ଏମ୍ ଭି -୧୨୦ ନମ୍ବର ଗ୍ରାମ ଛକ ଠାରେ ଓର୍କେଲ ଥାନା ଅଧିକାରୀ ଧିରେନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆମ ପୋଲିସ ସମିତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଉକ୍ତ ପଞ୍ଚାୟତର ସରପଞ୍ଚ ରାଜେଶ ମାଡ଼କାମୀ, ସମିତି ସଭ୍ୟା ମଦନା ପାମିଆଙ୍କ ସମେତ ଏସଆଇ ଅଜିତ ସିଂ ବରିହା, ଏସ ଆଇ ହରପ୍ରିୟା ଶବର,ଏସଆଇ ମନୋହର ସାହୁ, ଏଏସଆଇ ସଂଜୀବ କୁମାର ଟାକ୍ରୀ, ପ୍ରମୁଖ ଉପସ୍ଥିତ ଥିଲେ। ଉକ୍ତ
କାର୍ଯ୍ୟକ୍ରମରେ କାର୍ଯ୍ୟକ୍ରମରେ ଏମଭି-୧୨୦ଗ୍ରାମବାସୀଙ୍କ ସମେତ ଚି଼ମଟାପାଲ୍ଲୀ-(ଏ), ଚି଼ମଟାପାଲ୍ଲୀ -(ବି ), କାତାପାଲୀ, ଯନ୍ତ୍ରୀ, ଏମଭି -୧୨୩,ଏମଭି-୧୧୯, ତନ୍ତୁଳିଗୁଡା, ସିନ୍ଧିବାଟା, କାତାପାଲୀ କଲୋନୀ, ବାଣ୍ଡିଗୁଡା, ସୁବର୍ଣ୍ଣପୁର ଆଦି ବିଭିନ୍ନ ଗ୍ରାମର ପ୍ରାୟ ୫ ଶହରୁ ଉର୍ଦ୍ଧ ଗ୍ରାମବାସୀ ଉପସ୍ଥିତ ଥିଲେ।ଅଞ୍ଚଳରେ ଦିନକୁ ଦିନ ବୃଦ୍ଧି ପାଉଥିବା ବାଲ୍ୟ ବିବାହକୁ ରୋକିବା ଶହ ବିଭିନ୍ନ କାରଣରୁ ପିଲାମାନେ ଏବଂ ଲୋକେ କରୁଥିବା ଆତ୍ମହତ୍ୟା ଭଳି ପଦକ୍ଷେପକୁ ସମ୍ପୂର୍ଣ ଭାବେ ବାରଣ କରିବାକୁ ପୋଲିସ ପକ୍ଷରୁ ଲୋକଙ୍କୁ ସଚେତନ କରାଯାଇଥିଲା। ଅଧିକାଂଶ ସମୟରେ କିଛି ସଂସ୍ଥା ଅନଲାଇନ ମାଧ୍ୟମରେ ଲୋକଙ୍କୁ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ସେମାନଙ୍କ ବ୍ୟାଙ୍କ ଆକାଉଣ୍ଟରୁ ଟଙ୍କା ଠକି ନେଉଥିବା ନଜିର ରହିଛି। ତେଣୁ ଲୋକେ କିପରି ଅନଲାଇନ ଠକେଇର ଶିକାର ନହେବେ ସେ ନେଇ ମଧ୍ୟ ଅଞ୍ଚଳବାସୀଙ୍କୁ ପୋଲିସ ବିସ୍ତୃତ ଭାବେ ବୁଝାଉ ସଚେତନ କରାଇଥିଲେ। ଏଥି ସହ ସଡକ ସୁରକ୍ଷା , ବାଇକ ଚଲାଇବା ସମୟରେ ହେଲମେଟ, ଗାଡି ଚଲାଇବା ବେଳେ ସିଟବେଲ୍ଟ ପିନ୍ଧିବା ସହ ସରକାରଙ୍କ ପକ୍ଷରୁ ଜାରୀ କରାଯାଇଥିବା ମୋଟର ଆଇନ ନିୟମକୁ ସମସ୍ତେ କିପରି ଭାବେ ପାଳନ କରିବେ ସେ ନେଇ ଲୋକଙ୍କୁ ପୋଲିସ ଅଧିକାରୀ ମାନେ ବୁଝାଇ କହିଥିଲେ। ସରକାରଙ୍କ ପକ୍ଷରୁ ଲାଗୁ କରାଯାଇଥିବା ନୂତନ ଆଇନ ସମ୍ପର୍କରେ ଲୋକମାନଙ୍କୁ ଅବଗତ କରାଯାଇଥିଲା। ଖାଲି ଏତିକି ନୁହେଁ ମିଥ୍ୟା ଫେସବୁକ ଆକାଉଣ୍ଟ ଠାରୁ ସମସ୍ତେ ଦୁରେଇ ରହିବାକୁ ପୋଲିସ ପକ୍ଷରୁ ପରାମର୍ଶ ଡିଆଯାଇଥିଲା। ପୋଲିସ ସର୍ବଦା ଆପଣ ମାନଙ୍କର ସେବାରେ ରହିଛି।ବିଭିନ୍ନ ଅପରାଧକୁ ନିୟନ୍ତ୍ରଣ କରିବା ପାଇଁ ଓ ଜନ ସାଧାରଣଙ୍କୁ ସୁରକ୍ଷା ଯୋଗାଉ ଦେବା ପାଇଁ ଆମେ ସଂକଳ୍ପ ବଦ୍ଧ।ଯେ କୌଣସି ମୁହୂର୍ତ୍ତରେ ଆପଣ ମାନେ ସ୍ଥାନୀୟ ପୋଲିର ସହାୟତା ମଧ୍ୟ ନେଇ ପାରିବେ ବୋଲି ମଞ୍ଚାସିନ ପୋଲିସ ଅଧିକାରୀମାନେ କହିଥିଲେ।
Leave a Reply