ନୂଆଦିଲ୍ଲୀ: ୨୦୨୫ ମସିହାରେ ମହାକୁମ୍ଭ ମେଳା ଆୟୋଜିତ ହେବ । ଯାହା ବହୁତ ଭବ୍ୟ ହେବାକୁ ଯାଉଛି | ଆସନ୍ତୁ ଜାଣିବା ମହାକୁମ୍ଭ ୨୦୨୫ ସହିତ ଜଡିତ ଗୁରୁତ୍ଵପୂର୍ଣ୍ଣ ଜିନିଷ ସମ୍ବନ୍ଧରେ..
ମହାକୁମ୍ଭ ମେଳା ପ୍ରତି ୧୨ବର୍ଷରେ ଆୟୋଜିତ ହୁଏ ଯେତେବେଳେ ସୂର୍ଯ୍ୟ ମେଷ ରାଶିରେ ଓ ବୃହସ୍ପତି ଗ୍ରହ କୁମ୍ଭ ରାଶିରେ ଥାନ୍ତି । ଏହି ଅବସରରେ ସଙ୍ଗମ ସ୍ଥଳରେ ଏକ ବିରାଟ ଜନସମାଗମ ହୁଏ।
ମହାକୁମ୍ଭ ୨୦୨୫ ଜାନୁଆରୀ ୧୩ ରୁ ପ୍ରୟାଗରାଜରେ ଆରମ୍ଭ ହେବ ଓ ଏହା ୨୬ ଫେବୃଆରୀରେ ସମାପନ ହେବ । ଏହି ମହା ଆୟୋଜନକୁ ନେଇ ଉତ୍ତରପ୍ରଦେଶ ସରକାର, ରେଳବାଇ ଏବଂ ଅନ୍ୟାନ୍ୟ ଏଜେନ୍ସି ଦ୍ବାରା ବ୍ୟାପକ ପ୍ରସ୍ତୁତି କରାଯାଉଛି ।
ହରିଦ୍ୱାର,ପ୍ରୟାଗରାଜ,ଉଜ୍ଜୈନ ଏବଂ ନାସିକରେ ପ୍ରତି ୧୨ ବର୍ଷରେ ମହାକୁମ୍ଭ ମେଳା ଆୟୋଜିତ ହୋଇଥାଏ । କେବଳ ଭାରତ ନୁହେଁ, ଦୁନିଆର କୋଣ ଅନୁକୋଣରୁ ଲୋକମାନେ କୁମ୍ଭମେଳାରେ ଯୋଗଦେବାକୁ ଆସନ୍ତି। ବିଶ୍ବାସ କରାଯାଏ ଯେ କୁମ୍ଭ ମେଳାର ଗଙ୍ଗା ନଦୀରେ ଗାଧୋଇବା ଦ୍ୱାରା ଜଣେ ବ୍ୟକ୍ତିଙ୍କର ସମସ୍ତ ପାପ ଧୋଇଯାଏ ଓ ମୋକ୍ଷ ପ୍ରାପ୍ତି ହୋଇଥାଏ ।
ମହାକୁମ୍ଭର ୬ ମହାସ୍ନାନ କେବେ ପଡୁଛି ଯୋଗ?
ମହାକୁମ୍ଭ ମେଳାର ପ୍ରଥମ ମହାସ୍ନାନ ୧୩ ଜାନୁୟାରୀ ୨୦୨୫ରେ ହେବ, ଦ୍ୱିତୀୟ ମହାସ୍ନାନ ୧୪ ଜାନୁଆରୀ ମକରସଂକ୍ରାନ୍ତି , ତୃତୀୟ ମହାସ୍ନାନ ୨୯ ଜାନୁଆରୀ ମୌନି ଅମବ୍ୟାସ, ୪ର୍ଥ ମହାସ୍ନାନ ଫେବୃଆରୀ ୨ ବସନ୍ତ ପଞ୍ଚମୀ, ୫ମ ମହାସ୍ନାନ ୧୨ ଫେବୃଆରୀ ମାଘ ପୂର୍ଣ୍ଣିମା ଓ ଶେଷ ମହାସ୍ନାନ ୨୬ ଫେବୃଆରୀ ମହାଶିବରାତ୍ରୀ ଦିନ ହେବ ।
କୁମ୍ଭମେଳାକୁ ‘ସାଧନା’ କରୁଥିବା ସାଧୁ ଏବଂ ନାଗା ସାଧୁଙ୍କ ସମେତ ଏପରି ସନ୍ଥ ଆସନ୍ତି ଯେଉଁମାନେ ଏକାନ୍ତରେ ବାସ କରିନ୍ତି । ସେମାନେ କେବଳ କୁମ୍ଭ ମେଳା ସମୟରେ ସଭ୍ୟତା ପରିଦର୍ଶନ କରିବାକୁ ଆସନ୍ତି । ଆଧ୍ୟାତ୍ମିକତାର ସନ୍ଧାନକାରୀ ଏବଂ ହିନ୍ଦୁ ଧର୍ମ ଅନୁସରଣ କରୁଥିବା ସାଧାରଣ ଲୋକ ମଧ୍ୟ ଆସିଥାନ୍ତି ।