Media Freedom//ବାଜପେୟୀ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO) ଓ ଗଣମାଧ୍ୟମର ସ୍ୱାଧୀନତା

Spread the love

ବାଜପେୟୀ, ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO) ଓ ଗଣମାଧ୍ୟମର ସ୍ୱାଧୀନତା

ଅଟଳ ବିହାରୀ ବାଜପେୟୀଙ୍କ ସହ ରାଜକୁମାରୀ କୌଲଙ୍କର ଦୀର୍ଘଦିନର ଘନିଷ୍ଠ ସମ୍ପର୍କ ଥିଲା। ଗ୍ୱାଲିୟରରେ ଛାତ୍ର ଥିବା ସମୟରେ ଉଭୟଙ୍କର ପ୍ରଥମ ସାକ୍ଷାତ ହୋଇଥିଲା। ରାଜକୁମାରୀ କୌଲ ପ୍ରଫେସର ବି.ଏନ୍. କୌଲଙ୍କ ପତ୍ନୀ ଥିଲେ। ବାଜପେୟୀ ଦୀର୍ଘବର୍ଷ ଧରି ସେମାନଙ୍କ ପରିବାରର ଅଂଶ ଭାବେ ରହିଥିଲେ। ସେ ରାଜକୁମାରୀଙ୍କ ଝିଅ ନମିତାଙ୍କୁ ପୋଷ୍ୟ କନ୍ୟା ଭାବେ ଗ୍ରହଣ କରିଥିଲେ। ପରେ ନମିତା ରଞ୍ଜନ ଭଟ୍ଟାଚାର୍ଯ୍ୟଙ୍କୁ ବିବାହ କରିଥିଲେ।

୨୦୦୧ରେ ଆଉଟଲୁକ୍ ପତ୍ରିକା ଏକ ଅନୁସନ୍ଧାନମୂଳକ ରିପୋର୍ଟ ପ୍ରକାଶ କରି ଅଭିଯୋଗ କରିଥିଲା ଯେ, ରଞ୍ଜନ ଭଟ୍ଟାଚାର୍ଯ୍ୟ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO) ଉପରେ ଯଥେଷ୍ଟ ପ୍ରଭାବ ରଖୁଥିଲେ।

୨୯ ମେ, ୨୦୦୧ରେ ଆୟକର ବିଭାଗ ଆଉଟଲୁକ୍ର ମାଲିକ ରାଜନ ରାହେଜାଙ୍କ ବାସଭବନ ଓ ବ୍ୟବସାୟିକ ପ୍ରତିଷ୍ଠାନ ସମେତ ପତ୍ରିକାର କାର୍ଯ୍ୟାଳୟରେ ଚଢ଼ାଉ କରିଥିଲା।

ଆଉଟଲୁକ୍ର ପ୍ରତିଷ୍ଠାତା ସମ୍ପାଦକ ବିନୋଦ ମେହେଟ୍ଟା ପରବର୍ତ୍ତୀ ସମୟରେ ଏହି ଚଢ଼ାଉକୁ PMO ସମ୍ପର୍କିତ ପତ୍ରିକାର ରିପୋର୍ଟିଂ ସହ ଯୋଡ଼ିଥିଲେ।