ମୁକେଶ ଅମ୍ବାନୀଙ୍କ ଡାହାଣ ହାତ ମନୋଜ ମୋଦୀ- ଅମ୍ବାନୀଙ୍କ ସହ ମିଶି ବୋଧେ ଏଭଳି ବଦନାମୀ ଖେଳ କରୁଛନ୍ତି-ସୁଭାଷ ଚନ୍ଦ୍ରା
୨ ବର୍ଷ ତଳେ ଅମ୍ବାନୀ ମନୋଜ ମୋଦିଙ୍କୁ ମୁମ୍ବାଇରେ ୧୫୦୦ କୋଟିରେ ଗୋଟିଏ ୨୨-ମହଲା ବିଲଡିଂ ଗିଫ୍ଟ ଦେଇଥିଲେ!
ଏସେଲ ଗ୍ରୁପ୍ (Essel Group) ଏବଂ ଜି ଏଣ୍ଟରଟେନମେଣ୍ଟ (Zee Entertainment) ର ପ୍ରତିଷ୍ଠାତା ଡକ୍ଟର ସୁବାଷ ଚନ୍ଦ୍ରା, ରିଲାଏନ୍ସ ଇଣ୍ଡଷ୍ଟ୍ରିଜ୍ ର ମୁଖ୍ୟ ମୁକେଶ ଅମ୍ବାନୀ ଏବଂ ତାଙ୍କ ମିଡିଆ ନେଟୱର୍କ ବିରୋଧରେ କିଛି ଗୁରୁତର ଅଭିଯୋଗ ଆଣିଛନ୍ତି । ଏକ ଭିଡିଓ ବାର୍ତ୍ତା ଏବଂ ଚିଠି ମାଧ୍ୟମରେ ସେ ମୁକେଶ ଅମ୍ବାନୀଙ୍କ ବିଷୟରେ କହିଥିବା ମୁଖ୍ୟ କଥାଗୁଡ଼ିକ ନିମ୍ନରେ ଦିଆଗଲା:
ଭୁଲ ପ୍ରଚାର ଓ ମିଥ୍ୟା ଖବର ଅଭିଯୋଗ: ମୁକେଶ ଅମ୍ବାନୀଙ୍କ ମିଡିଆ ନେଟୱର୍କ (TV18/CNBC/News18) ତାଙ୍କ ବ୍ୟକ୍ତିଗତ ଦେବାଳିଆ ମାମଲା (Personal Insolvency) କୁ ନେଇ ଭ୍ରମାତ୍ମକ ତଥ୍ୟ ପ୍ରସାରଣ କରୁଛି ବୋଲି ସୁବାଷ ଚନ୍ଦ୍ରା ଅଭିଯୋଗ କରିଛନ୍ତି । NCLT ଦ୍ୱାରା ୨୨,୦୦୦ କୋଟି ଟଙ୍କାର ଋଣକୁ ମାତ୍ର ୬.୫ କୋଟି ଟଙ୍କାରେ ସେଟେଲ କରାଯାଇଛି ବୋଲି ଯେଉଁ ରିପୋର୍ଟ ପ୍ରକାଶ ପାଇଛି, ତାହାକୁ ସେ ସମ୍ପୂର୍ଣ୍ଣ ମିଥ୍ୟା ବୋଲି କହିଛନ୍ତି । ସେ ସ୍ପଷ୍ଟ କରିଛନ୍ତି ଯେ ଏହା ବ୍ୟକ୍ତିଗତ ଋଣ ନଥିଲା, ବରଂ କମ୍ପାନୀ ପାଇଁ ଦିଆଯାଇଥିବା ଗ୍ୟାରେଣ୍ଟି ଥିଲା ।
“ମୋର ହରାଇବାକୁ କିଛି ନାହିଁ, ଆପଣଙ୍କର ବହୁତ କିଛି ଅଛି”: ସୁବାଷ ଚନ୍ଦ୍ରା ଚେତାବନୀ ଦେଇ କହିଛନ୍ତି, “ମୁକେଶ ଜୀ, ମୋ ବିରୋଧରେ ଏହି ଭୁଲ ପ୍ରଚାର ବନ୍ଦ କରନ୍ତୁ । NCLT ଆଦେଶ ପରେ ମୋ ପାଖରେ ଏବେ କିଛି ବାକି ନାହିଁ, ତେଣୁ ମୋର ହରାଇବାକୁ କିଛି ନାହିଁ; କିନ୍ତୁ ଆପଣଙ୍କର ହରାଇବାକୁ ବହୁତ କିଛି ଅଛି” ।
କାଲମାରିରେ ଅନେକ କଙ୍କାଳ ଲୁଚି ରହିଛି: ସେ ଆହୁରି ମଧ୍ୟ କହିଛନ୍ତି ଯେ, ଯଦି ଏହି ମିଡିଆ ଆକ୍ରମଣ ବନ୍ଦ ନହୁଏ, ତେବେ ସେ ନିଜକୁ ରକ୍ଷା କରିବା ପାଇଁ ଜବାବ ଦେବେ । ଅମ୍ବାନୀଙ୍କ କାଲମାରିରେ (Cupboard) ଅନେକ ଗୁପ୍ତ କଥା ବା କଙ୍କାଳ (Skeletons) ଲୁଚି ରହିଛି, ଯାହା ସେ ସର୍ବସାଧାରଣରେ ପ୍ରକାଶ କରିପାରନ୍ତି ବୋଲି ସେ ଚେତାବନୀ ଦେଇଛନ୍ତି ।
ଧୀରୁଭାଇ ଅମ୍ବାନୀଙ୍କୁ ନେଇ କଟାକ୍ଷ: ସୁବାଷ ଚନ୍ଦ୍ରା କହିଛନ୍ତି, “ଆପଣ ଧୀରୁଭାଇ ଅମ୍ବାନୀଙ୍କ ପୁଅ । ମୁଁ ଧୀରୁଭାଇଙ୍କଠାରୁ ବହୁତ କିଛି ଶିଖିଛି, କିନ୍ତୁ ମନେହୁଏ ଆପଣ ନିଜ ପିତାଙ୍କଠାରୁ କିଛି ବି ଶିଖିନାହାଁନ୍ତି” ।
ପୁରୁଣା କଥାର ଖୁଲାସା: ସେ ଦାବି କରିଛନ୍ତି ଯେ ୨୦୧୯ ମସିହାରେ ଯେତେବେଳେ ସେ ଋଣ ସୁଝିବା ପାଇଁ ଜି (Zee) କୁ ବିକ୍ରି କରିବାକୁ ଋଣ ସୁଝିବା ପାଇଁ ଅମ୍ବାନୀଙ୍କ ପାଖକୁ ଯାଇଥିଲେ, ସେତେବେଳେ ଅମ୍ବାନୀ ତାଙ୍କୁ କହିଥିଲେ ଯେ କର୍ପୋରେଟ୍ ଜଗତରେ କେହି ସୁଧ ସହ ବ୍ୟାଙ୍କ ଋଣ ଫେରାନ୍ତି ନାହିଁ।
ଶେୟାର କ୍ରାଶ୍ ଏବଂ ଜୀ (Zee) କୁ ହାତେଇବା ଉଦ୍ୟମ: ସେ ଅଭିଯୋଗ କରିଛନ୍ତି ଯେ ୨୦୧୯ରେ ଜୀ ଶେୟାର ୪୦% ହ୍ରାସ ପାଇବା ପଛରେ ଅମ୍ବାନୀଙ୍କ ସହ ଜଡ଼ିତ କମ୍ପାନୀଗୁଡ଼ିକର ହାତ ଥିଲା ଏବଂ ପରବର୍ତ୍ତୀ ସମୟରେ ଇନଭେସ୍କୋ (Invesco) ସହ ମିଶି ଜୀ ନେଟୱର୍କକୁ ଜବରଦସ୍ତ କବଜା କରିବାକୁ ଚେଷ୍ଟା କରାଯାଇଥିଲା।
ଚେତାବନୀ: ସୁବାଷ ଚନ୍ଦ୍ରା କହିଛନ୍ତି, “ମୋ ପାଖରେ ହରାଇବାକୁ କିଛି ନାହିଁ, ମୁଁ ସମ୍ପୂର୍ଣ୍ଣ ଶୂନ୍ୟ। କିନ୍ତୁ ଆପଣଙ୍କ ପାଖରେ ହରାଇବାକୁ ବହୁତ କିଛି ଅଛି”।
