ସ୍ୱାମୀ ବିବେକାନନ୍ଦ ଜୟନ୍ତୀ ଉତ୍ସବ – ୨୦୨୬
ଭୁବନେଶ୍ଵର : ଦର୍ଶନ ସମୀକ୍ଷା
VISWASS ନର୍ସିଂ ବିଦ୍ୟାଳୟ ଓ କଲେଜ ତରଫରୁ ୧୨ ଜାନୁଆରୀ ୨୦୨୬ ତାରିଖରେ ସ୍ୱାମୀ ବିବେକାନନ୍ଦ ଜୟନ୍ତୀ ଅତ୍ୟନ୍ତ ଉତ୍ସାହ ଓ ଶ୍ରଦ୍ଧାର ସହିତ ପାଳନ କରାଯାଇଥିଲା। ଏହି କାର୍ଯ୍ୟକ୍ରମଟି ସଂସ୍ଥାର ମୁଖ୍ୟ ଦ୍ୱାର ଓ ମଲ୍ଟିପର୍ପଜ୍ ହଲ୍ ରେ ଦୁଇଟି ପର୍ଯ୍ୟାୟରେ ଆୟୋଜିତ ହୋଇଥିଲା।
ପ୍ରଥମ ପର୍ଯ୍ୟାୟରେ ସମସ୍ତ ଗଣ୍ୟମାନ୍ୟ ଅତିଥି, ଶିକ୍ଷକ–ଶିକ୍ଷିକା, କର୍ମଚାରୀ ଓ ଛାତ୍ରଛାତ୍ରୀମାନେ ସଂସ୍ଥାର ମୁଖ୍ୟ ଦ୍ୱାରରେ ଏକତ୍ରିତ ହୋଇଥିଲେ। ଏହା ପରେ ଦୀପ ପ୍ରଜ୍ୱଳନ ଓ ସ୍ୱାମୀ ବିବେକାନନ୍ଦଙ୍କ ଫଟୋରେ ପୁଷ୍ପାର୍ପଣ କରାଯାଇ, ତାଙ୍କ ପ୍ରତି ଗଭୀର ଶ୍ରଦ୍ଧା ଓ ସମ୍ମାନ ପ୍ରକାଶ କରାଯାଇଥିଲା।
ଦ୍ୱିତୀୟ ପର୍ଯ୍ୟାୟର କାର୍ଯ୍ୟକ୍ରମ ମଲ୍ଟିପର୍ପଜ୍ ହଲ୍ ରେ ଆୟୋଜିତ ହୋଇଥିଲା। ଏଠାରେ ଦୀପ ପ୍ରଜ୍ୱଳନ ସହ କାର୍ଯ୍ୟକ୍ରମ ଆରମ୍ଭ ହୋଇ, ପରେ ଏକ ସ୍ୱାଗତ ନୃତ୍ୟ ପ୍ରଦର୍ଶିତ ହୋଇଥିଲା।
ପ୍ରଫେସର ସତ୍ୟଭାମା ମିଶ୍ର, ପ୍ରଧାନାଚାର୍ଯ୍ୟା, VISWASS କଲେଜ ଅଫ୍ ନର୍ସିଂ, ସଭାକୁ ସମ୍ବୋଧନ କରି ସୁନ୍ଦର ସ୍ୱାଗତ ଭାଷଣ ପ୍ରଦାନ କରି, ଏହି ଦିବସର ଗୁରୁତ୍ୱ ଉପରେ ଆଲୋକପାତ କରିଥିଲେ।
ଏହା ପରେ
ଡ଼ା. ପ୍ରଜ୍ଞାନ ରଞ୍ଜନ ଘରାଇ, ଅଧ୍ୟକ୍ଷ, VISWASS,
ଡ଼ା. ନନ୍ଦିନୀ ଘରାଇ, ସଚିବ, VISWASS, ଓ
ଡ଼ା. ଏ. କେ. ବହିନୀପତି, ପ୍ରଧାନଆଚାର୍ଯ୍ୟ, VISWASS ପାରାମେଡିକାଲ୍ କଲେଜ,
ତାଙ୍କର ପ୍ରେରଣାଦାୟକ ଭାଷଣ ମାଧ୍ୟମରେ ସ୍ୱାମୀ ବିବେକାନନ୍ଦଙ୍କ ଦର୍ଶନର ଆଧୁନିକ ଶିକ୍ଷାରେ ପ୍ରାସଙ୍ଗିକତା, ଶିଷ୍ଟାଚାର, ନୈତିକ ମୂଲ୍ୟବୋଧ, ମାନବ ସେବା ଓ ଦେଶ ଗଢ଼ାଣରେ ଯୁବଶକ୍ତିର ଭୂମିକା ଉପରେ ଆଲୋଚନା କରିଥିଲେ।
ପରେ ଏର. ସନ୍ତପ କୁମାର ଜେନା, କାର୍ଯ୍ୟନିର୍ବାହୀ ଯନ୍ତ୍ରୀ (ସିଭିଲ୍), AIIMS, ଭୁବନେଶ୍ୱର, ଏବଂ
ବାଣୀ ବିଭାଗ ପ୍ରମୁଖ, ବିବେକାନନ୍ଦ କେନ୍ଦ୍ର, କନ୍ୟାକୁମାରୀ, ଓଡ଼ିଶା ପ୍ରାନ୍ତ,
ଏକ ବିଶେଷ ଆଲୋଚନା ମାଧ୍ୟମରେ ଛାତ୍ରଛାତ୍ରୀମାନଙ୍କୁ ସ୍ୱାମୀ ବିବେକାନନ୍ଦଙ୍କ ଶିକ୍ଷାରୁ ପ୍ରେରଣା ନେଇ ଚରିତ୍ର ଗଢ଼ାଣ, ଆତ୍ମବିଶ୍ୱାସ ଓ ନିଷ୍ଠା ସମ୍ପର୍କରେ ମୂଲ୍ୟବାନ ବିଚାର ପ୍ରଦାନ କରିଥିଲେ।
ଅତିଥିଙ୍କୁ ସମ୍ମାନ ଓ କୃତଜ୍ଞତା ସ୍ୱରୂପ ସମ୍ମାନିତ (ଫେଲିସିଟେସନ୍) କରାଯାଇଥିଲା।
ଏହା ପରେ ଫ୍ୟାନ୍ସି ଡ୍ରେସ୍, ଭାଷଣ ଓ ଇନ୍ସ୍ଟାଣ୍ଟ ଆର୍ଟ ପରି ବିଭିନ୍ନ ପ୍ରତିଯୋଗିତା ଆୟୋଜିତ ହୋଇ, ଯେଉଁଥିରେ ଛାତ୍ରଛାତ୍ରୀମାନେ ଅତ୍ୟନ୍ତ ଉତ୍ସାହର ସହିତ ଅଂଶଗ୍ରହଣ କରିଥିଲେ।
ଶେଷରେ ପୁରସ୍କାରଲ ଲୋବିତରଣ ଓ ଧନ୍ୟବାଦ ଜ୍ଞାପନ (Vote of Thanks) ସହିତ ସ୍ୱାମୀ ବିବେକାନନ୍ଦ ଜୟନ୍ତୀର ସଫଳ ଉତ୍ସବ ସମାପ୍ତ ହୋଇଥିଲା।0
Leave a Reply