ବ୍ରହ୍ମପୁର ଆଇନଜୀବୀ ତଥା ବିଜେପିର ସକ୍ରିୟ ସଦସ୍ୟ ପୀତବାସ ପଣ୍ଡାଙ୍କ ମୃତ୍ୟୁ ସମ୍ପର୍କରେ କହିବାକୁ ଯାଇ ନବ ଦାସଙ୍କ ହତ୍ୟା କଥା ମନେ ପକାଇଲେ ତତ୍କାଳୀନ ମୁଖ୍ୟ ଶାସନ ସଚିବ ବିଜୟ ପଟ୍ଟନାୟକ ।
ରାଜ୍ୟର ଆଇନ ଶୃଙ୍ଖଳାରେ ସୁଧାର ଆଣିବାକୁ ପ୍ରଶାସନକୁ ଦେଲେ ପରାମର୍ଶ ।
ତେବେ ପ୍ରତିପତ୍ତିଶାଳୀ ଲୋକଙ୍କ ଛତ୍ରଛାୟାତଳେ ବିଭିନ୍ନ ଅନୈତିକ ଘଟଣା ଘଟୁଛି । ଭଗବାନଙ୍କ ଆଶୀର୍ବାଦ ରହୁ ଓଡ଼ିଶାରେ ଭାଇଚାରା ଫେରିଆସୁ । ସ୍ପଷ୍ଟ ଦିବାଲୋକରେ ହତ୍ୟା କରାଯାଇପାରୁଛି ଲାଗୁଛି ଯେ ଦୁର୍ବୃତ୍ତ ମାନଙ୍କର ଆଇନ ପ୍ରତି ଭୟ ନାହିଁ । ସେମାନେ ଜେଲ ଯାଇ ଫେରିଆସିବା ପରେ ଯଥା ପୂର୍ବଂ ତଥା ପରଂ ଭଳି ଆଚରଣ ଦେଖାଉଛନ୍ତି । ଏଥିପାଇଁ ସବୁ ଦଳକୁ ସେ ଅନୁରୋଧ କରିଛନ୍ତି । ସେ କହିଛନ୍ତି କୌଣସି ଦଳ ଦୁର୍ବୃତ୍ତ ମାନଙ୍କୁ ସ୍ଥାନ ଦିଅନ୍ତୁ ନାହିଁ । ରାଜନୈତିକ ବ୍ୟକ୍ତିମାନେ ଘଣ୍ଟ ଘୋଡାଉଥିବା କାରଣରୁ ଏଭଳି ଘଟଣା ଘଟୁଛି । ରାଜନୈତିକ ବ୍ୟକ୍ତି କିମ୍ବା ଶାସନରେ ଥିବା ଲୋକଙ୍କ ପୃଷ୍ଠପୋଷକତା ବିନା ଏସବୁ ଘଟଣା ଘଟିବା ସମ୍ଭବ ନୁହେଁ । ଏହି ଘଟଣାକୁ ସମାପ୍ତ କରିବାକୁ ହେଲେ ସବୁ ଦଳକୁ କାର୍ଯ୍ୟାନୁଷ୍ଠାନ ନେବାକୁ ପଡ଼ିବ । ସବୁ ଦଳ ଏଥିରୁ ଖ୍ୟାନ୍ତ ରୁହନ୍ତୁ ଏବଂ ଏଭଳି ଦୁର୍ବୃତ୍ତ ତଥା କ୍ରିମିନାଲ ମାନଙ୍କୁ ଘଣ୍ଟ ଘୋଡାନ୍ତୁ ନାହିଁ ତେବେ ଯାଇ କ୍ରାଇମ କମିବ । ଅନ୍ୟପକ୍ଷରେ ଚାକିରୀ ସ୍କାମ ଏକ ଅର୍ଗାନାଇଜଡ଼ କ୍ରାଇମ ବୋଲି ସେ କହିବା ସାଙ୍ଗକୁ କହିଛନ୍ତି ସରକାରୀ ସହାୟତା ନମିଳିଲେ ଏଭଳି ରାକେଟ ଚାଲିବ ନାହିଁ । କ୍ରାଇମବ୍ରାଞ୍ଚ ଏହି ଘଟଣାର ସଠିକ ଅନୁସନ୍ଧାନ କରିବା ଆବଶ୍ୟକ । ଏ ପରୀକ୍ଷା ଦୁର୍ନୀତି ଦୀର୍ଘ ଦଶବର୍ଷ ହେଲା ହୋଇଚାଲିଛି । ପ୍ରଭାବଶାଳୀ ଲୋକଙ୍କ ଛତ୍ରଛାୟା ତଳେ ରହି ଏଭଳି ସ୍କାମ କରିବା ସାହସ ପାଉଛନ୍ତି । କଟକରେ ଘଟିଥିବା ସାମ୍ପ୍ରଦାୟିକ ହିଂସା ପ୍ରସଙ୍ଗରେ କହିଛନ୍ତି ଶାନ୍ତି ଫେରାଇ ଆଣିବାକୁ ଲୋକମାନେ ଚିନ୍ତା କରିବା ଦରକାର । ଭାରତୀୟ ମାନଙ୍କୁ ଭାଗଭାଗ କରି ବିଦେଶୀ ଶକ୍ତି ଆମକୁ ଶାସନ କରି ଆସିଛନ୍ତି ତେଣୁ ସମସ୍ତେ ଆମର ବନ୍ଧୁ ବୋଲି ଭାବିବା ଆବଶ୍ୟକ କାରଣ ଆମର ଶାସ୍ତ୍ର କହିଛନ୍ତି ସମଗ୍ର ବସୁଧା ଗୋଟିଏ କୁଟୁମ୍ବ ।
ପ୍ରତିପତ୍ତିଶାଳୀ ଲୋକଙ୍କ ଛତ୍ରଛାୟାତଳେ ବିଭିନ୍ନ ଅନୈତିକ ଘଟଣା ଘଟୁଛି । ଭଗବାନଙ୍କ ଆଶୀର୍ବାଦ ରହୁ ଓଡ଼ିଶାରେ ଭାଇଚାରା ଫେରିଆସୁ । ସ୍ପଷ୍ଟ ଦିବାଲୋକରେ ହତ୍ୟା କରାଯାଇପାରୁଛି ଲାଗୁଛି ଯେ ଦୁର୍ବୃତ୍ତ ମାନଙ୍କର ଆଇନ ପ୍ରତି ଭୟ ନାହିଁ -ବିଜୟ ପଟନାୟକ ତତ୍କାଳୀନ ମୁଖ୍ୟ ଶାସନ ସଚିବ
Leave a Reply