ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ୨୦୨୬ର ଘୋଷଣା
ବିଆଇଏଫଏଫ ୨୦୨୬ ଓଡ଼ିଶାର ପ୍ରଥମ କରି ଆୟୋଜିତ ହେବାକୁ ଯାଉଛି ଆନ୍ତର୍ଜାତୀୟ ପ୍ରତିଯୋଗିତାମୂଳକ ଚଳଚ୍ଚିତ୍ର ମହୋତ୍ସବ; ବିଶ୍ୱ ସିନେମା ପାଇଁ ଏକ ନୂତନ ମାନଦଣ୍ଡ ସ୍ଥାପନ କରିବାର ଲକ୍ଷ୍ୟରେ
ଭୁବନେଶ୍ୱର: ଦର୍ଶନ ସମୀକ୍ଷା
ଭାରତର ‘ମନ୍ଦିରମାଳିନୀ ସହର’ ଭାବେ ପରିଚିତ ଭୁବନେଶ୍ୱର, ଏହାର ସାଂସ୍କୃତିକ ଓ ଚଳଚ୍ଚିତ୍ର ଯାତ୍ରାରେ ଏକ ନୂତନ ଅଧ୍ୟାୟ ଯୋଡ଼ିବାକୁ ଯାଉଛି। ଓଡିଶାରେ ପ୍ରଥମ କରି ଆରମ୍ଭ ହେବାକୁ ଯାଉଛି ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ୨୦୨୬’ | ଏହା ମାଧ୍ୟମରେ ଏକ ବିଶ୍ୱସ୍ତରୀୟ ମଞ୍ଚ ପ୍ରସ୍ତୁତ ହେବ, ଯାହା ଚଳଚ୍ଚିତ୍ର କ୍ଷେତ୍ରରେ ଉତ୍କର୍ଷତା, ସାଂସ୍କୃତିକ ଆଦାନପ୍ରଦାନ ଏବଂ ଚଳଚ୍ଚିତ୍ରକୁ ଉପଭୋଗ କରିବା ପାଇଁ ଏକ ଉପଯୁକ୍ତ ପ୍ଲାଟଫର୍ମ।
ଚଳଚ୍ଚିତ୍ର ନିର୍ମାତା ମାନସ ସାହୁଙ୍କ ଦ୍ୱାରା ଆରମ୍ଭ ହୋଇଥିବା ବିଆଇଏଫଏଫ, ଓଡ଼ିଶାର ପ୍ରଥମ ବୃତ୍ତିଗତ ଭାବେ ଆୟୋଜିତ ଆନ୍ତର୍ଜାତୀୟ ପ୍ରତିଯୋଗିତାମୂଳକ ଚଳଚ୍ଚିତ୍ର ମହୋତ୍ସବ। ଯା ହା ବିଶ୍ୱସ୍ତରୀୟ ଦୃଷ୍ଟିକୋଣ ଓ ମାନଦଣ୍ଡ ଦ୍ୱାରା ପରିଚାଳିତ ହେବ ଏବଂ ଚଳଚ୍ଚିତ୍ର ନିର୍ମାଣର ମୂଲ୍ୟାଙ୍କନ ତଥା ଉତ୍ସବ ପାଳନ ପାଇଁ ଏକ ସୁସଂଗଠିତ ବ୍ୟବସ୍ଥା ପ୍ରଦାନ କରିବ। “ଯେଉଁଠାରେ ଐତିହ୍ୟ ସିନେମା ସହ ମିଳିତ ହୁଏ” (Where Heritage Meets Cinema) – ଏହି ବିଷୟବସ୍ତୁକୁ ଆଧାର କରି, ବିଆଇଏଫଏଫ ବିଶ୍ୱକୁ ଭୁବନେଶ୍ୱର ସହ ଯୋଡ଼ିବା ସହ ଓଡ଼ିଶାର କାହାଣୀ, ଐତିହ୍ୟ ଏବଂ ସୃଜନଶୀଳ ପରିଚୟକୁ ବିଶ୍ୱ ଚଳଚ୍ଚିତ୍ର ସମ୍ପ୍ରଦାୟ ନିକଟରେ ପହଞ୍ଚାଇବାକୁ ଲକ୍ଷ୍ୟ ରଖିଛି।
ବିଆଇଏଫଏଫ କେବଳ ଚଳଚ୍ଚିତ୍ର ପ୍ରଦର୍ଶନର ଏକ ମାଧ୍ୟମ ନୁହେଁ, ବରଂ ଏହା ଏକ ବୃତ୍ତିଗତ ଆନ୍ତର୍ଜାତୀୟ ପ୍ରତିଯୋଗିତା। ଏଠାରେ ଚଳଚ୍ଚିତ୍ର ନିର୍ମାତାମାନେ ନିଜର କଳାକୃତି ପ୍ରଦର୍ଶନ କରିବା ସହ ଜାତୀୟ ତଥା ଆନ୍ତର୍ଜାତୀୟ ସ୍ତରର ଚଳଚ୍ଚିତ୍ର ସହ ପ୍ରତିଯୋଗିତାରେ ଭାଗ ନେଇପାରିବେ। ଆନ୍ତର୍ଜାତୀୟ ମାନକ ଅନୁସାରେ, ଏଠାରେ ଚଳଚ୍ଚିତ୍ର ଚୟନ, ପ୍ରତିଯୋଗିତା, ବିଚାରକ ମଣ୍ଡଳୀ ଦ୍ୱାରା ମୂଲ୍ୟାଙ୍କନ ଏବଂ ଚଳଚ୍ଚିତ୍ର କଳାର ସ୍ୱୀକୃତି ପ୍ରାପ୍ତ ଚଳଚ୍ଚିତ୍ର ପ୍ରଦର୍ଶନ ବ୍ୟତୀତ,ବିଆଇଏଫଏଫ (ବିଫ୍) ବିଭିନ୍ନ କର୍ମଶାଳା, ମାଷ୍ଟରକ୍ଲାସ୍, ଚଳଚ୍ଚିତ୍ର ନିର୍ମାତାଙ୍କ ସହ ଆଲୋଚନା, ପ୍ୟାନେଲ୍ ଆଲୋଚନା ଏବଂ ଶିଳ୍ପ ସମ୍ବନ୍ଧୀୟ ନେଟୱାର୍କିଂ କାର୍ଯ୍ୟକ୍ରମ ଆୟୋଜନ କରିବ। ଏଗୁଡ଼ିକର ଲକ୍ଷ୍ୟ ହେଉଛି ଯୁବ ପ୍ରତିଭାଙ୍କୁ ବିକଶିତ କରିବା, ବୃତ୍ତିଗତ ଉନ୍ନତିକୁ ଉତ୍ସାହିତ କରିବା ଏବଂ ସୃଜନଶୀଳ ସହଯୋଗକୁ ପ୍ରୋତ୍ସାହିତ କରିବା। ଐତିହ୍ୟ ଏବଂ ପରିଚୟର ମାଧ୍ୟମ ଭାବରେ ସିନେମା ବିଆଇଏଫଏଫର ଲକ୍ଷ୍ୟ ହେଉଛି ଓଡ଼ିଶାର ସାଂସ୍କୃତିକ ଐତିହ୍ୟକୁ ବିଶ୍ୱ ସିନେମାର ବିଭିନ୍ନ କଳାତ୍ମକ ଅଭିବ୍ୟକ୍ତି ସହିତ ଯୋଡ଼ିବା। ଏହା ଏପରି ଏକ ମଞ୍ଚ ସୃଷ୍ଟି କରିବ ଯେଉଁଠାରେ ଆଞ୍ଚଳିକ ପରିଚୟ ଏବଂ ବିଶ୍ୱସ୍ତରୀୟ ଦୃଷ୍ଟିକୋଣ ଏକାଠି ରହିପାରିବେ ଏବଂ ପରସ୍ପରକୁ ଅନୁପ୍ରାଣିତ କରିପାରିବେ।
ଏହି ମହୋତ୍ସବ ଓଡ଼ିଆ ଚଳଚ୍ଚିତ୍ରର ପ୍ରଚାର ଓ ପ୍ରସାରରେ ଯୋଗଦାନ ଦେବା ସହ ଚଳଚ୍ଚିତ୍ର ଅନୁଷ୍ଠାନ, ସାଂସ୍କୃତିକ ସଂଗଠନ, ଶିଳ୍ପ ସଂଘ ଏବଂ ସରକାରୀ ସଂସ୍ଥାଗୁଡ଼ିକର ଅଧିକ ଅଂଶଗ୍ରହଣକୁ ଉତ୍ସାହିତ କରିବାକୁ ମଧ୍ୟ ଲକ୍ଷ୍ୟ ରଖିଛି।
ବିଆଇଏଫଏଫ ପଛରେ ଥିବା ଦୂରଦୃଷ୍ଟି ବିଷୟରେ କହିବାକୁ ଯାଇ, ପ୍ରତିଷ୍ଠାତା ତଥା ସଭାପତି ମାନସ ସାହୁ କହିଛନ୍ତି:
“ଓଡ଼ିଶାର ଏକ ଉଲ୍ଲେଖନୀୟ ସାଂସ୍କୃତିକ ଐତିହ୍ୟ ଏବଂ ଏକ ସମୃଦ୍ଧ ଚଳଚ୍ଚିତ୍ର ପରମ୍ପରା ରହିଛି। ଆଜି ଆମକୁ ଏପରି ଏକ ସଂଗଠିତ ଏବଂ ଆନ୍ତର୍ଜାତୀୟ ସ୍ତରର ମଞ୍ଚର ଆବଶ୍ୟକତା ରହିଛି, ଯାହା ଆମର ଚଳଚ୍ଚିତ୍ର ନିର୍ମାତା ଏବଂ ବୈଷୟିକ କର୍ମୀମାନଙ୍କୁ ବିଶ୍ୱସ୍ତରୀୟ ଚଳଚ୍ଚିତ୍ର ସମ୍ପର୍କରେ ଏକ ସ୍ପଷ୍ଟ ଧାରଣା ଦେଇପାରିବ।
ବିଆଇଏଫଏଫର ପରିକଳ୍ପନା ଏକ ଶୃଙ୍ଖଳିତ ଏବଂ ଅର୍ଥପୂର୍ଣ୍ଣ ଚଳଚ୍ଚିତ୍ର ମୂଲ୍ୟାଙ୍କନ ବ୍ୟବସ୍ଥା ଆଣିବା ପାଇଁ କରାଯାଇଛି, ଯେଉଁଠାରେ ସିନେମାର ପ୍ରକୃତ କଳା—ଯେପରିକି କାହାଣୀ କହିବା ଶୈଳୀ, ଦୃଶ୍ୟ ଭାଷା, ନିର୍ଦ୍ଦେଶନା, ଅଭିନୟ, ସିନେମାଟୋଗ୍ରାଫି, ସମ୍ପାଦନା ଏବଂ ଶବ୍ଦ ସଂଯୋଜନା—କୁ ସ୍ୱୀକୃତି ଦିଆଯିବ ଏବଂ ଉତ୍ସାହିତ କରାଯିବ। ଆମର ଲକ୍ଷ୍ୟ ହେଉଛି ଏପରି ଏକ ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ବିଷୟରେ
ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ହେଉଛି ଚଳଚ୍ଚିତ୍ର ନିର୍ମାତା ମାନସ ସାହୁଙ୍କ ଦ୍ୱାରା ଆରମ୍ଭ କରାଯାଇଥିବା ଏକ ପ୍ରୟାସ, ଯାହା ଆନ୍ତର୍ଜାତୀୟ ସ୍ତରରେ ସୃଷ୍ଟି ଏକ ପ୍ଲାଟଫର୍ମ ଯାହା ଆମର ଚଳଚ୍ଚିତ୍ର ନିର୍ମାତା ଏବଂ କାରିଗରୀମାନଙ୍କୁ ପ୍ରକୃତ ପରିଚୟ ପ୍ରଦାନ କରିପାରିବ।
ଭୁବନେଶ୍ୱରକୁ ଅନ୍ତର୍ଜାତୀୟ ସିନେମା ପାଇଁ ଏକ ଗୁରୁତ୍ୱପୂର୍ଣ୍ଣ ଗନ୍ତବ୍ୟସ୍ଥଳ ଭାବରେ ପ୍ରତିଷ୍ଠା କରିବାକୁ ଚାହୁଁଛୁ।
ବିଆଇଏଫଏଫ କେବଳ ଚଳଚ୍ଚିତ୍ରର ଏକ ମହୋତ୍ସବ ନୁହେଁ; ଏହା ସିନେମାର ଭବିଷ୍ୟତ, ଏହାର କଳାର ମର୍ଯ୍ୟାଦା ଏବଂ ଓଡ଼ିଶାର ସାଂସ୍କୃତିକ ପରିଚୟର। ୧୫୦ ଫିଲ୍ମ ଏହି ପ୍ରତିଯୋଗିତାରେ ସ୍କ୍ରିନିଂ ପାଇଁ ଉଦ୍ୟମ ଚାଲିଛି।
ବିଶ୍ୱ ଚଳଚ୍ଚିତ୍ର ସମ୍ପ୍ରଦାୟକୁ ଏକ ନିମନ୍ତ୍ରଣ
ବିଆଇଏଫଏଫ (ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ) ର ଆୟୋଜକ ଦଳ ଚଳଚ୍ଚିତ୍ର ନିର୍ମାତା, ଚଳଚ୍ଚିତ୍ର ନିର୍ମାଣ ସଂସ୍ଥା, ସିନେମା ସଂଘ, ସାଂସ୍କୃତିକ ଅନୁଷ୍ଠାନ, ସରକାରୀ ସଂସ୍ଥା, ପ୍ରାୟୋଜକ, ଗଣମାଧ୍ୟମ ସଂସ୍ଥା, ଚଳଚ୍ଚିତ୍ର ଶିକ୍ଷା ଅନୁଷ୍ଠାନ ଏବଂ ସିନେମା ପ୍ରେମୀମାନଙ୍କୁ ଏହି ମହତ୍ତ୍ୱାକାଂକ୍ଷୀ ପଦକ୍ଷେପରେ ସାମିଲ ହେବା ପାଇଁ ନିମନ୍ତ୍ରଣ କରୁଛନ୍ତି।
ବିଆଇଏଫଏଫର ଲକ୍ଷ୍ୟ ହେଉଛି ଏକ ସୁଦୃଢ଼ ସହଯୋଗୀ ବାତାବରଣ ଗଢ଼ି ତୋଳିବା, ଯାହା କଳାତ୍ମକ ଉତ୍କର୍ଷ, ବୃତ୍ତିଗତ ଚଳଚ୍ଚିତ୍ର ନିର୍ମାଣ, ସାଂସ୍କୃତିକ ଆଦାନପ୍ରଦାନ ଏବଂ ଆନ୍ତର୍ଜାତୀୟ ସ୍ତରରେ ଚଳଚ୍ଚିତ୍ର ସମ୍ବନ୍ଧୀୟ ବିଚାର ବିନିମୟକୁ ପ୍ରୋତ୍ସାହିତ କରିବା।
ମହୋତ୍ସବର କାର୍ଯ୍ୟସୂଚୀ, ସ୍ଥାନ, ଚଳଚ୍ଚିତ୍ର ଦାଖଲ ପ୍ରକ୍ରିୟା, ଅଂଶଗ୍ରହଣ ଏବଂ ଅନ୍ୟାନ୍ୟ ଆନୁଷଙ୍ଗିକ କାର୍ଯ୍ୟକ୍ରମ ବିଷୟରେ ଅଧିକ ସୂଚନା ମହୋତ୍ସବର ଅଫିସିଆଲ୍ ଯୋଗାଯୋଗ ମାଧ୍ୟମଗୁଡ଼ିକ ଜରିଆରେ ପ୍ରଦାନ କରାଯିବ।
ଭୁବନେଶ୍ୱର ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ବିଆଇଏଫଏଫ) ବିଷୟରେ
ମହୋତ୍ସବର ବିଷୟବସ୍ତୁ: ଯେଉଁଠାରେ ଐତିହ୍ୟ ଓ ସିନେମା ମିଳିତ ହୁଅନ୍ତି |
