ବୈଷ୍ଣବ ପଟ୍ଟନାୟକଙ୍କ ପ୍ରତିମୂର୍ତ୍ତି ଉନ୍ମୋଚିତ
ଢେଙ୍କାନାଳ | ୨୯ ଏପ୍ରିଲ ୨୦୨୬।( ଦର୍ଶନ ସମୀକ୍ଷା)
ସିମିଳିଆ ରେଳୱେ ଓଭରବ୍ରିଜ ଛକରେ ସ୍ୱାଧୀନତା ସଂଗ୍ରାମୀ ବୀର ବୈଷ୍ଣବ ପଟ୍ଟନାୟକଙ୍କ ପ୍ରତିମୂର୍ତ୍ତି ଉନ୍ମୋଚିତପ୍ରସିଦ୍ଧ ସ୍ୱାଧୀନତା ସଂଗ୍ରାମୀ ତଥା ପୂର୍ବତନ ସାଂସଦ ବୀର ବୈଷ୍ଣବ ପଟ୍ଟନାୟକଙ୍କ ୧୧୩ତମ ଜନ୍ମ ବାର୍ଷିକୀ ଉପଲକ୍ଷେ ଆଜି ସକାଳ ୮:୩0 ସମୟରେ ରେ ଢେଙ୍କାନାଳର ସିମିଳିଆ ନିକଟସ୍ଥ ରେଳୱେ ଓଭରବ୍ରିଜ୍ (ROB) ଛକରେ ଶ୍ରୀ ପଟ୍ଟନାୟକଙ୍କ ଏକ ପ୍ରତିମୂର୍ତ୍ତି ଉନ୍ମୋଚନ କରାଯାଇଛି ।ଶ୍ରୀ ପଟ୍ଟନାୟକଙ୍କ ପ୍ରତିମୂର୍ତ୍ତିକୁ ଓଡ଼ିଶା ସରକାରଙ୍କର ଖାଦ୍ୟ ଯୋଗାଣ, ଖାଉଟି କଲ୍ୟାଣ ଏବଂ ବିଜ୍ଞାନ ଓ ପ୍ରଯୁକ୍ତିବିଦ୍ୟା ବିଭାଗର ମାନ୍ୟବର ମନ୍ତ୍ରୀ ଶ୍ରୀ କୃଷ୍ଣ ଚନ୍ଦ୍ର ପାତ୍ର ଉନ୍ମୋଚନ କରିଥିଲେ। ଏହି ଅବସରରେ ଢେଙ୍କାନାଳର ମାନ୍ୟବର ସାଂସଦ ଶ୍ରୀ ରୁଦ୍ର ନାରାୟଣ ପାଣି, ଢେଙ୍କାନାଳ ପୌରପାଳିକାର ଅଧ୍ୟକ୍ଷା ଶ୍ରୀମତୀ ଜୟନ୍ତୀ ପାତ୍ର, ଢେଙ୍କାନାଳ ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ରାହୁଲ ମଣ୍ଡଳଏବଂ ଅନ୍ୟାନ୍ୟ ବିଶିଷ୍ଟ ବ୍ୟକ୍ତିବିଶେଷ ଏବଂ ସ୍ଥାନୀୟ ପ୍ରତିନିଧି ମାନେ ମଧ୍ୟ ଉପସ୍ଥିତ ଥିଲେ।ସଭାକୁ ସମ୍ବୋଧିତ କରି ମାନ୍ୟବର ମନ୍ତ୍ରୀ କହିଥିଲେ ଯେ, ଶ୍ରୀ ବୈଷ୍ଣବ ପଟ୍ଟନାୟକଙ୍କ ପ୍ରତିମା ପ୍ରତିଷ୍ଠା ଢେଙ୍କାନାଳବାସୀଙ୍କ ପାଇଁ ଅପାର ଗର୍ବ ଏବଂ ସନ୍ତୋଷର ବିଷୟ, କାରଣ ଆଜି ଏହି ମାଟି ଜଣେ ମହାନ ସନ୍ତାନଙ୍କୁ ସମ୍ମାନ ଜଣାଉଛି ଯିଏ ସ୍ୱାଧୀନତା ସଂଗ୍ରାମ ଏବଂ ଜନସେବା ପାଇଁ ନିଜ ଜୀବନକୁ ଉତ୍ସର୍ଗ କରିଛନ୍ତି।ମାନ୍ୟବର ସାଂସଦ ଶ୍ରୀ ରୁଦ୍ର ନାରାୟଣ ପାଣି ତାଙ୍କ ବକ୍ତବ୍ୟରେ ଦେଶର ପ୍ରତିଷ୍ଠାରେ ପଟ୍ଟନାୟକଙ୍କ ଅତୁଳନୀୟ ଅବଦାନକୁ ଉଜାଗର କରିଥିଲେ ଏବଂ ଜଣାଇଥିଲେ ଯେ ତାଙ୍କ ସମ୍ମାନାର୍ଥେ ଏକ ସ୍ମରଣୀୟ ଡାକ ଟିକଟ ଜାରି କରିବା ପାଇଁ କେନ୍ଦ୍ର ସରକାରଙ୍କ ସହ ସମନ୍ୱୟ ରକ୍ଷା କରି ପ୍ରୟାସ କରାଯିବ।ଶ୍ରୀମତୀ ଜୟନ୍ତୀ ପାତ୍ର ନିଜ ସମ୍ବୋଧନରେ ପ୍ରସ୍ତାବ ଦେଇଥିଲେ ଯେ, ସିମିଳିଆ ଓଭରବ୍ରିଜ୍ ରାସ୍ତାଟିର ନାମ ବୀର ବୈଷ୍ଣବ ପଟ୍ଟନାୟକ ରୋଡ଼ ରଖାଯାଉ, ଯାହା କି ସେହି କିମ୍ବଦନ୍ତୀ ନେତାଙ୍କୁ ସମ୍ମାନ ଜଣାଇବାର ଏକ ମାଧ୍ୟମ ହେବ।
Leave a Reply