ଅଷ୍ଟଲକ୍ଷ୍ମୀସ୍ତୋତ୍ରମ୍

॥ ଆଦିଲକ୍ଷ୍ମୀ ॥

ସୁମନସବନ୍ଦିତ ସୁନ୍ଦରି ମାଧବି
ଚନ୍ଦ୍ର ସହୋଦରି ହେମମୟେ ।
ମୁନିଗଣମଣ୍ଡିତ ମୋକ୍ଷପ୍ରଦାୟିନି
ମଞ୍ଜୁଳଭାଷିଣି ବେଦନୁତେ ॥

ପଙ୍କଜବାସିନି ଦେବସୁପୂଜିତ
ସଦ୍ଗୁଣବର୍ଷିଣି ଶାନ୍ତିୟୁତେ ।
ଜୟଜୟ ହେ ମଧୁସୂଦନ କାମିନି
ଆଦିଲକ୍ଷ୍ମି ସଦା ପାଲୟ ମାମ୍ ॥ ୧॥

॥ ଧାନ୍ୟଲକ୍ଷ୍ମୀ ॥

ଅହିକଲି କଲ୍ମଷନାଶିନି କାମିନି
ବୈଦିକରୂପିଣି ବେଦମୟେ ।
କ୍ଷୀରସମୁଦ୍ଭବ ମଙ୍ଗଲରୂପିଣି
ମନ୍ତ୍ରନିବାସିନି ମନ୍ତ୍ରନୁତେ ॥

ମଙ୍ଗଲଦାୟିନି ଅମ୍ବୁଜବାସିନି
ଦେବଗଣାଶ୍ରିତ ପାଦୟୁତେ ।
ଜୟଜୟ ହେ ମଧୁସୂଦନ କାମିନି
ଧାନ୍ୟଲକ୍ଷ୍ମି ସଦା ପାଲୟ ମାମ୍ ॥ ୨॥

॥ ଧୈର୍ୟଲକ୍ଷ୍ମୀ ॥

ଜୟବରବର୍ଣିନି ବୈଷ୍ଣବି ଭାର୍ଗବି
ମନ୍ତ୍ରସ୍ୱରୂପିଣି ମନ୍ତ୍ରମୟେ ।
ସୁରଗଣପୂଜିତ ଶୀଘ୍ରଫଲପ୍ରଦ
ଜ୍ଞାନବିକାସିନି ଶାସ୍ତ୍ରନୁତେ ॥

ଭବଭୟହାରିଣି ପାପବିମୋଚନି
ସାଧୁଜନାଶ୍ରିତ ପାଦୟୁତେ ।
ଜୟଜୟ ହେ ମଧୁସୂଦନ କାମିନି
ଧୈର୍ୟଲକ୍ଷ୍ମି ସଦା ପାଲୟ ମାମ୍ ॥ ୩॥

॥ ଗଜଲକ୍ଷ୍ମୀ ॥

ଜୟଜୟ ଦୁର୍ଗତିନାଶିନି କାମିନି
ସର୍ୱଫଲପ୍ରଦ ଶାସ୍ତ୍ରମୟେ ।
ରଥଗଜ ତୁରଗପଦାଦି ସମାବୃତ
ପରିଜନମଣ୍ଡିତ ଲୋକନୁତେ ॥

ହରିହର ବ୍ରହ୍ମ ସୁପୂଜିତ ସେବିତ
ତାପନିବାରିଣି ପାଦୟୁତେ ।
ଜୟଜୟ ହେ ମଧୁସୂଦନ କାମିନି
ଗଜଲକ୍ଷ୍ମି ରୂପେଣ ପାଲୟ ମାମ୍ ॥ ୪॥

॥ ସନ୍ତାନଲକ୍ଷ୍ମୀ ॥

ଅହିଖଗ ବାହିନି ମୋହିନି ଚକ୍ରିଣି
ରାଗବିବର୍ଧିନି ଜ୍ଞାନମୟେ ।
ଗୁଣଗଣବାରିଧି ଲୋକହିତୈଷିଣି
ସ୍ୱରସପ୍ତ ଭୂଷିତ ଗାନନୁତେ ॥

ସକଲ ସୁରାସୁର ଦେବମୁନୀଶ୍ୱର
ମାନବବନ୍ଦିତ ପାଦୟୁତେ ।
ଜୟଜୟ ହେ ମଧୁସୂଦନ କାମିନି
ସନ୍ତାନଲକ୍ଷ୍ମି ତ୍ୱଂ ପାଲୟ ମାମ୍ ॥ ୫॥

॥ ବିଜୟଲକ୍ଷ୍ମୀ ॥

ଜୟ କମଲାସନି ସଦ୍ଗତିଦାୟିନି
ଜ୍ଞାନବିକାସିନି ଗାନମୟେ ।
ଅନୁଦିନମର୍ଚିତ କୁଙ୍କୁମଧୂସର-
ଭୂଷିତ ବାସିତ ବାଦ୍ୟନୁତେ ॥

କନକଧରାସ୍ତୁତି ବୈଭବ ବନ୍ଦିତ
ଶଙ୍କର ଦେଶିକ ମାନ୍ୟ ପଦେ ।
ଜୟଜୟ ହେ ମଧୁସୂଦନ କାମିନି
ବିଜୟଲକ୍ଷ୍ମି ସଦା ପାଲୟ ମାମ୍ ॥ ୬॥

॥ ବିଦ୍ୟାଲକ୍ଷ୍ମୀ ॥

ପ୍ରଣତ ସୁରେଶ୍ୱରି ଭାରତି ଭାର୍ଗବି
ଶୋକବିନାଶିନି ରତ୍ନମୟେ ।
ମଣିମୟଭୂଷିତ କର୍ଣବିଭୂଷଣ
ଶାନ୍ତିସମାବୃତ ହାସ୍ୟମୁଖେ ॥

ନବନିଧିଦାୟିନି କଲିମଲହାରିଣି
କାମିତ ଫଲପ୍ରଦ ହସ୍ତୟୁତେ ।
ଜୟଜୟ ହେ ମଧୁସୂଦନ କାମିନି
ବିଦ୍ୟାଲକ୍ଷ୍ମି ସଦା ପାଲୟ ମାମ୍ ॥୭॥

॥ ଧନଲକ୍ଷ୍ମୀ ॥

ଧିମିଧିମି ଧିନ୍ଧିମି ଧିନ୍ଧିମି ଧିନ୍ଧିମି
ଦୁନ୍ଦୁଭି ନାଦ ସୁପୂର୍ଣମୟେ ।
ଘୁମଘୁମ ଘୁଙ୍ଘୁମ ଘୁଙ୍ଘୁମ ଘୁଙ୍ଘୁମ
ଶଙ୍ଖନିନାଦ ସୁବାଦ୍ୟନୁତେ ॥

ବେଦପୁରାଣେତିହାସ ସୁପୂଜିତ
ବୈଦିକମାର୍ଗ ପ୍ରଦର୍ଶୟୁତେ ।
ଜୟଜୟ ହେ ମଧୁସୂଦନ କାମିନି
ଧନଲକ୍ଷ୍ମି ରୂପେଣ ପାଲୟ ମାମ୍ ॥ ୮॥