ଢେଙ୍କାନାଳ:(ଦର୍ଶନ ସମୀକ୍ଷା) ଆନନ୍ଦ ଉଲ୍ଲାସର ସହ ଇଦ୍ ପାଳିତ
ଢେଙ୍କାନାଳ ସହରରେ ସୋମବାର ଆନନ୍ଦ ଉଲ୍ଲାସର ସହ ଇଦ୍ ପର୍ବ ପାଳିତ ହୋଇଯାଇଛି । ଏହି ଉପଲକ୍ଷେ ସହରସ୍ଥିତ ମୀନାବଜାର ଜମା ମସଜିଦ୍, କାଂଚନ ବଜାରସ୍ଥିତ ମୋତି ମସଜିଦ୍ ଏବଂ ଗୁଡିଆନାଳୀସ୍ଥିତ ମସଜିଦ୍ରେ ସାମୁହିକ ନମାଜ ପାଠ ହୋଇଥିଲା ।
ମୁସଲମାନ ସଂପ୍ରଦାୟର ମୁସଲମାନ ଭାଇମାନେ ପରସ୍ପରକୁ ଇଦ୍ ମୁବାରକ ଜଣାଇଥିଲେ । କେତେକ ସ୍ଥାନରେ ଜାତି,ଧର୍ମ,ବର୍ଣ୍ଣ ନିର୍ବିଶେଷରେ ମଧ୍ୟ ଇଦ୍ ଉତ୍ସବ ଅବସରରେ ପରସ୍ପରକୁ ଇଦ୍ ଅଭିନନ୍ଦନ ପ୍ରଦାନ କରାଯାଇଥିଲା । ଯୁବ ସମାଜସେବୀ ତଥା ବିଜେଡି ନେତା ଡା. ଅବିନାଶ ସାମଲ, ମିଳିତବଜାର ପୂଜା କମିଟି ସଭାପତି ତଥା ବରିଷ୍ଠ ଭାଜପା ନେତା ରାମଚନ୍ଦ୍ର ପାତ୍ର, ମସଜିଦ୍ ମାନଙ୍କୁ ଯାଇ ମୁସଲମାନ ଭାଇ ମାନଙ୍କୁ ଶୁଭେଚ୍ଛା ଜଣାଇଥିଲେ ।