ମାଆ ପିତାବଳୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ଗିରିଧର ପ୍ରସାଦ ଚମ୍ପିୟାନ..

ଦର୍ଶନ ସମୀକ୍ଷା 24/12/24
ଖଜୁରିଆକଟା :ହିନ୍ଦୋଳ ଉପଖଣ୍ଡ ଠୋକର କାରନ୍ଦା ମଧ୍ଯସ୍ଥ ବେଣାଗାଡିଆ ପଡିଆ ଠାରେ ମାଆ ପିତାବଳୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଠୋକର କ୍ରିକେଟ କ୍ଲବ୍ ଆନୁକୁଲ୍ୟରେ ଆଠ ଦିନ ଧରି ଚାଲିଥିବା କ୍ରିକେଟ୍ ମ୍ୟାଚ୍ ରେ ଫାଇନାଲ ମ୍ୟାଚ୍ ଟି କୁରୁମିଠା ଓ ଗିରିଧରପ୍ରସାଦ ମଧ୍ୟରେ ହୋଇଥିଲା। ଗିରିଧରପ୍ରସାଦ ଏକାଦଶ ବିଜୟ ହାସଲ କରି ବିଜେତା ହୋଇଥିଲା। ଫାଇନାଲ ମ୍ୟାଚ ରେ କୁରୁମିଠା ଏକାଦଶ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭରରେ ୯୮ ରନ୍ ସଂଗ୍ରହ କରିଥିଲେ। ଜବାବରେ ଗିରିଧର ପ୍ରସାଦ ଏକାଦଶ ୮ ୱିକେଟ ରେ ୯୯ ରନ୍ ସଂଗ୍ରହ କରି ବିଜୟ ଲାଭ କରିଥିଲା l ପୁରସ୍କାର ବିତରଣ ଉତ୍ସବ ରେ ମୁଖ୍ୟ ଅତିଥି ଭାବେ ସମାଜସେବୀ ଦୁଃଖବନ୍ଧୁ ସାହୁ, ସମ୍ମାନିତ ଅତିଥି ସମାଜସେବୀ ଗୌତମ ମହାଭୋଇ, ଠୋକର ଗ୍ରାମ ସଭାପତି ସର୍ବେଶ୍ଵର ସାମଲ, କାରନ୍ଦା ଗ୍ରାପ ସରପଞ୍ଚ ଦୁଷ୍ମନ୍ତ ନାୟକ, ଠୋକର ଗ୍ରାମ ସରପଞ୍ଚ ପ୍ରତିନିଧି ବିଶେଶ୍ୱର ମାଝୀ, ସାମ୍ୱାଦିକ ପ୍ରଶାନ୍ତ କୁମାର ଜେନାମଣି,ମାନସ ରଞ୍ଜନ ମାଝୀ ପ୍ରମୁଖ ଅତିଥି ଯୋଗ ଦେଇ ଖେଳାଳୀ ମାନଙ୍କୁ ପୁରସ୍କାର ପ୍ରଦାନ କରିଥିଲେ। ଫାଇନାଲ ମ୍ୟାଚ୍ ର ମ୍ୟାନ ଅଫ ଦ ମ୍ୟାଚ ଶୁଭ୍ର, ମ୍ୟାନ ଅଫ ଦ ସିରିଜ ବିକାସ, ବେଷ୍ଟ ବୋଲର ଚିଲା ଓ ବେଷ୍ଟ ବ୍ୟାଟସମ୍ୟାନ୍ ଅଲା ବିବେଚିତ ହୋଇଥିଲେ। ଖେଳକୁ ଶେଷଦେବ ମାଝୀ ଓ ଡାନ୍ସିଂ ଅମ୍ପାୟାର ବିକି ଖେଳ ପରିଚାଳନା କରିଥିଲେ।ଡାନ୍ସିଂ ଅମ୍ପାୟାର ବିକି ନିଜର ନୃତ୍ୟ ମାଧ୍ୟମରେ ଦର୍ଶକ ମାନଙ୍କୁ ବେଶ୍ ମଜା ଯୋଗାଇ ଦେଇଥିଲେ। ଧଡକନ୍ ନାଚ ଗ୍ରୁପ୍ ର କଳାକାର ଦର୍ଶକ ମାନଙ୍କୁ ମନୋରଞ୍ଜନ ର ଖୋରାକ ଯୋଗାଇ ଥିଲେ l ଖେଳର ସ୍କୋର ଦାୟିତ୍ୱରେ ଲିଜୁ ଓ ଲିପୁ ତୁଲାଇଥିଲେ। କୁଲୁ ଧାରା ବିବରଣୀ ପ୍ରଦାନ କରିଥିଲେ। ଖେଳକୁ ଅଜି, ବିଟୁ, ଲିବୁ, ଜିତୁ, ପିଣ୍ଟୁ, ଶିବା ଓ ଅନ୍ୟାନ୍ୟ ସଦସ୍ୟ ମାନେ ସହଯୋଗ କରିଥିଲେ।