Spread the love

କାହାକୁ କିଛି ଦେଇଛ ???

ଥରେ ଜଣେ ଧନୀ ବ୍ୟକ୍ତି ଟ୍ରେନରେ ଯାଉଥିଲେ । ସେହି ଟ୍ରେନରେ ଭିକ ମାଗୁଥୁବା ବ୍ୟକ୍ତି ଜଣକ, ଉକ୍ତ ଧନୀ ବ୍ୟକ୍ତିଙ୍କ ବେଶଭୁଷାକୁ ଦେଖି କହିଲା,
“ବାବୁ କିଛି ମିଳିବ” ?
ଧନୀ ବ୍ୟକ୍ତି ଜଣକ ସଙ୍ଗେ ସଙ୍ଗେ କହିଲେ “ତୁମେ କେବେ ଜୀବନରେ କାହାକୁ କିଛି ଦେଇଛ ??”
ଭିକାରୀ ଜଣକ କହିଲା ନା ବାବୁ ମୋ ପାଖରେ କଣ ବା ଅଛି ଯେ ମୁଁ ଦେବି ବା ଦେଇପାରିବି !!!
ଧନୀ ବ୍ୟକ୍ତି ଜଣକ କହିଲେ ତୁମେ ଯଦି କାହାକୁ କିଛି ଦେଇ ନାହଁ ତେବେ ମୁଁ କାହିଁକି ତୁମକୁ ଦେବି ??
ଭିକାରୀ ଏ କଥା ଶୁଣି ଦୁଃଖୀ ହୋଇ ସେଠାରୁ ଚାଲି ଗଲା ।
ଯେତେ ବେଳେ ସନ୍ଧ୍ୟା ହେଲା, ଭିକାରିଟି ସେ ଷ୍ଟେସନ ନିକଟ ରେ ଥିବା ନିଜ ଛୋଟ “କୁଡିଆ ବସାଘର” କୁ ଫେରିଗଲା।
ରାତିରେ ଶୋଇବାକୁ ଚେଷ୍ଟା କଲା କିନ୍ତୁ ନିଦ ହେଲାନାହିଁ।
ସକାଳୁ ଉଠି ଷ୍ଟେସନ ବାହାରକୁ ଗଲା ଦେଖିଲା ବଗିଚାରେ ସୁନ୍ଦର ଫୁଲ ଫୁଟିଛି।
କିଛି ଫୁଲ ତୋଳିଆଣିଲା ଏବଂ ଯାତ୍ରୀମାନଙ୍କୁ ଦେଲା।
ଫୁଲ ବଦଳରେ ଯିଏ ଯାହା ଦିଏ ଭିକାରି ଟି ତାକୁ ଆଦରରେ ମୁଣିରେ ରଖେ।
ଯାତ୍ରୀ ମାନେ ବି ବହୁତ ଖୁସି ହୁଅନ୍ତି ।
“ଅନ୍ୟ ଦିନ ଅପେକ୍ଷା ତାର ପଇସା ମଧ୍ୟ ବଢିବାକୁ ଲାଗିଲା।”
ମନେ ମନେ ଭିକାରି ଟି ସେହି “ଧନୀ ବ୍ୟକ୍ତିଙ୍କୁ ଧନ୍ୟବାଦ ଦେଲା।”
କିଛି ଦିନ ପରେ ସେ ଭିକାରୀଟି ର ଧନୀ ବ୍ୟକ୍ତିଙ୍କ ସହ ପୁଣି ଭେଟ ହୋଇଗଲା।
ସଙ୍ଗେ ସଙ୍ଗେ ଫୁଲଟି ବଢ଼ାଇ ଦେଲା, ବ୍ୟକ୍ତି ଜଣକ ପର୍ସରୁ 10ଟଙ୍କା ତାକୁ ଦେଲେ ଏବଂ କହିଲେ ଯେଉଁଠୁ ଏ ଫୁଲ ଆଣିଛ ତାର ଯତ୍ନ ନେଉଛ ନା ନାହିଁ ??
ଭିକାରୀ ଜଣକ ଉତ୍ତର ଦେଲା “ମୁଁ ତ ସେ କଥା ଆଦୌ ଭାବିନି”।
ଧନୀ ବ୍ୟକ୍ତି ଜଣକ କହିଲେ
କର୍ମ କରିବା ଶିଖ।
ବିଚରା ଭିକାରି ଟି ଦ୍ବନ୍ଦରେ ପଡିଗଲା ମନେ ମନେ ଭାବିଲା
ଫୁଲ ଗଛ ତ ମୁଁ ଲଗେଇ ନାହିଁ କି କେବେ ପାଣି ମଧ୍ୟ ଦେଇ ନାହିଁ।
ଏହା ପରଠାରୁ ସେ ଯେତେବେଳେ ସକାଳୁ ଉଠି ବାହାରେ ବୁଲିବାକୁ
ଯାଏ ଯେଉଁଠି ଖାଲି ଜାଗା ଦେଖେ ସେଠି ଫୁଲ ଗଛ ଲଗାଏ, ଏମିତି ହଉ ହଉ ସାରା ଷ୍ଟେସନ ଆଖପାଖ ସୁନ୍ଦର ଦେଖା ଗଲା।
ପରେ ଫୁଲ ସହ “ଫୁଲତୋଡା” ମଧ୍ଯ ବିକ୍ରି କରିବାରେ ଲାଗିଗଲା ।
ଆଉ ଦିନେ *ଧନୀ ବ୍ୟକ୍ତି ଜଣକ ସେଇ ଟ୍ରେନ ରେ ଯାଉଥିଲେ।
ଏବଂ ତାଙ୍କ ସାମ୍ନାରେ “SUIT – BOOT” ପିନ୍ଧି ଏକ ବ୍ୟକ୍ତି ବସିଥିଲେ । ସୁଟବୁଟ ପିନ୍ଧା ବ୍ୟକ୍ତି ଜଣକ ସେ ଧନୀ ବ୍ୟକ୍ତିଙ୍କୁ ପଚାରିଲେ
ବାବୁ ମୋତେ ଚିହିଁ ପାରିଲେ ???
ଧନୀ ବ୍ୟକ୍ତି କହିଲେ “ନା”,
ତେବେ ସେହି Suit Boot ଲୋକଟି କହିଲା “କିନ୍ତୁ ମୁଁ ଆପଣଙ୍କ ସହ ତିନି ଥର ସାକ୍ଷାତ କଲିଣି ।”
ଧନୀ ବ୍ୟକ୍ତି କହିଲେ ହୁଏତ କାର୍ଯ୍ୟ ବ୍ୟସ୍ତତା ଯୋଗୁ ମନେ ପଡୁ ନାହିଁ। କୁହନ୍ତୁ କେମିତି ଜାଣିଲେ ମୋତେ??
ସେ ବ୍ୟକ୍ତି ଜଣକ ଉତ୍ତର ଦେଲେ ମୁଁ ହେଉଛି ସେଇଁ ଭିକାରି, ଯାହାକୁ ଆପଣ ପ୍ରଶ୍ନ କରିଥିଲେ କି “ଜୀବନରେ କେବେ କାହାକୁ କିଛି ଦେଇଛ କି ??”
ଏହା ଶୁଣି ଉକ୍ତ ଧନୀ ବ୍ୟକ୍ତି ଜଣକ ପଚାରିଲେ
ଆଛା ତେବେ ଏ ପରିବର୍ତ୍ତନ କିପରି !!
ସେ ଉତ୍ତର ଦେଲା ଆପଣ ହିଁ ତାର ମୂଳ କାରଣ ବାବୁ !!!
ମୋର ଆପଣଙ୍କ ସହ ଦୁଇ ଥର ଭେଟ ହୋଇଛି ଓ ଦୁଇ ଥର ଯାକ ଆପଣ ବହୁ ମୂଲ୍ୟ କଥା କହିଛନ୍ତି।

ପ୍ରଥମ ହେଲା:
ଅନ୍ୟକୁ ଦେବା ଶିଖ ତେବେ ଭଗବାନ ତୁମକୁ ଦେବେ।
ଦ୍ଵିତୀୟ ଟି ହେଲା କର୍ମ କର, ଫଳ ଭଗବାନଙ୍କ ହାତରେ।

ଜୟ ଜଗନ୍ନାଥ

Related Post

Leave a Reply

Your email address will not be published. Required fields are marked *