ଅନ୍ତରର କଥା ବୁଝିପାର ବୋଲି,
ତୁମେ ପରା ଅନ୍ତର୍ଯ୍ୟାମୀ।
ତୁମେ ମାତା ପିତା ବନ୍ଧୁ ସଖା ଭ୍ରାତା,
ଜୟ ଜଗନ୍ନାଥ ସ୍ବାମୀ।।
ପୋଖରୀ ଗୋଟିଏ। ହଂସ ଖୋଜେ ମୋତି ଆଉ ବଗ ଖୋଜେ ମାଛ।ସମସ୍ତଙ୍କ ଚିନ୍ତାଧାରା ଅଲଗା ଅଲଗା।ଆପଣଙ୍କ ଚିନ୍ତାଧାରା ଆପଣଙ୍କୁ ହିଁ ବଡ ବନାଏ।ଯଦି ଆମେ ଗୋଲାପ ପରି ହେବାକୁ ଚାହିଁବା ତେବେ କଣ୍ଟାରୁ ବଞ୍ଚିବାର କଳା ଶିଖିବାକୁ ହିଁ ପଡିବ ନା ।
ମିଥ୍ଯାରୋପ ଶୁଣିବା ନିଶ୍ଚିତ କଷ୍ଟ ଦାୟକ, କିନ୍ତୁ ସତ୍ଯତା ପ୍ରମାଣିତ ହେବା ଯାଏଁ ଧର୍ଯ୍ୟର ସହିତ ଅପେକ୍ଷା କରିବା ଉଚିତ୍।ସମୟ ହିଁ ଏହାର ଶ୍ରେଷ୍ଠ ଉତ୍ତର।
ଖାଲି ଭୁଲ୍ କଲେ ଦୁଃଖ ମିଳେ ତାହା ନୁହେଁ…ଭଲ ଠାରୁ ଅଧିକ ଭଲ ହେଇଗଲେ ମଧ୍ଯ ଦୁଃଖ ମିଳିଥାଏ।
♾️♾️♾️♾️⭕⭕♾️♾️♾️♾️
ତୁ ନାଥ ପୁରୁଷ ପୁରାଣ। ଜ୍ୟୋତି ସ୍ଵରୂପ ଠୁଳଶୂନ୍ୟ।
ନିୟତ ପୂର୍ଣ୍ଣ ନିରଞ୍ଜନ। ଉପାଧିହୀନ ସୁଖପୂର୍ଣ୍ଣ।
ସକଳ ଜନ୍ତୁ ମଧ୍ୟେ ତୁହି। ବିହରୁ ଆତ୍ମାରୂପ ହୋଇ।
ଗୁରୁ ବଚନୁ ଜ୍ଞାନସାର। ପାଇ ଯେ କରନ୍ତି ବିଚାର।
ଭକ୍ତି ଭାବରେ ଜ୍ଞାନ ଲାଭ। ହୁଅଇ ଯାର ପଦ୍ମନାଭ।
ଭବଜଳଧି ସେ ତରନ୍ତି। ମାୟା-ପଟଳେ ନ ପଡ଼ନ୍ତି।
( ଅତିବଡ଼ି ଜଗନ୍ନାଥ ଦାସଙ୍କ ବିରଚିତ ଓଡ଼ିଆ ଭାଗବତ , ଦଶମ ସ୍କନ୍ଧ , ପଞ୍ଚଦଶ ଅଧ୍ୟାୟ )
ପ୍ରସଙ୍ଗ – ବ୍ରହ୍ମା ସ୍ତୁତି
ଅର୍ଥ – ମହାମୁନି ଶୁକଦେବ କହିଲେ , ହେ ମହାରାଜା ପରୀକ୍ଷିତ ! ବେଦବର ବ୍ରହ୍ମା ଭଗବାନ ଶ୍ରୀକୃଷ୍ଣଙ୍କୁ ସ୍ତୁତି କରି କହିଲେ , ହେ ପ୍ରଭୁ ! ଆପଣ ଅନାଦି ପୁରୁଷ ଅଟନ୍ତି । ଆପଣ ସ୍ଵୟଂପ୍ରକାଶ ଜ୍ୟୋତି ସ୍ଵରୂପ ଅଟନ୍ତି। ଆପଣ କେଉଁଥିରେ ସୀମିତ ହୋଇ ନଥାନ୍ତି। ଆପଣ ସ୍ଵୟଂସମ୍ପୂର୍ଣ୍ଣ ଓ ମଳରହିତ ଅଟନ୍ତି। ଆପଣ ଉପାଧି ରହିତ ଓ ଅଖଣ୍ଡ ଆନନ୍ଦ ସ୍ଵରୂପ ଅଟନ୍ତି। ଆପଣ ସକଳ ପ୍ରାଣୀମାନଙ୍କ ଭିତରେ ଆତ୍ମା ରୂପରେ ବିରାଜମାନ କରିଥାନ୍ତି। ହେ ପ୍ରଭୁ ପଦ୍ମନାଭ ! ଭକ୍ତି ବଳରେ ଯେଉଁ ପ୍ରାଣୀ ଗୁରୁଙ୍କ ଠାରୁ ଆତ୍ମଜ୍ଞାନ ଲାଭ କରି ସେହି ଜ୍ଞାନ ବଳରେ ଆତ୍ମସାକ୍ଷାତକାର ଦ୍ଵାରା ଆପଣଙ୍କୁ ଜାଣି ପାରନ୍ତି ସେମାନେ ଆପଣଙ୍କ ମାୟାରେ ମୋହିତ ନହୋଇ ଏହି ଭବସାଗରରୁ ନିସ୍ତାର ଲାଭ କରିଥାନ୍ତି।
ଭାବାର୍ଥ – ଏଠାରେ ବେଦବର ବ୍ରହ୍ମା ଭଗବାନ ଶ୍ରୀକୃଷ୍ଣଙ୍କୁ କରିଥିବା ସ୍ତୁତି ବର୍ଣ୍ଣିତ ହୋଇଅଛି।
ଉପସ୍ଥାପନା – ଗୁରୁ ଚରଣାଶ୍ରିତ ବିଶ୍ଵନାଥ ନାୟକ
୧୯୪୦
ଜୟ ଜଗନ୍ନାଥ