ମୁଁ ମୋ ସ୍ୱାମୀଙ୍କୁ ଛାଡିପାରିବି, କିନ୍ତୁ ଇନଷ୍ଟାଗ୍ରାମ ଏବଂ ଫେସବୁକ୍ ନୁହେଁ. ଜିଦ୍ ରେ ବସିଲେ ପତ୍ନୀ, କହିଲେ- ‘ଭାଙ୍ଗିଦେବି ସମ୍ପର୍କ’
ଆଜିକାଲି ଇନଷ୍ଟା ଆଉ ଫେସବୁକ୍ ବ୍ୟବହାର ଦ୍ରୁତ ଗତିରେ ବଢ଼ିବାରେ ଲାଗିଛି । ଏହାରି ମଧ୍ୟରେ ଏପରି ଏକ ଘଟଣା ସାମ୍ନାକୁ ଆସିଛି, ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । ଜଣେ ମହିଳା ସମସ୍ତଙ୍କୁ ଚକିତ କରି କହିଛନ୍ତି ଯେ, ସେ ତାଙ୍କ ସ୍ୱାମୀଙ୍କୁ ଛାଡିପାରିବେ, କିନ୍ତୁ ଇନଷ୍ଟାଗ୍ରାମରେ ଫଟୋ ପୋଷ୍ଟ କରିବା ବନ୍ଦ କରିପାରିବେ ନାହିଁ ।
ଯେତେବେଳେ ମାମଲାଟି ପୋଲିସ ପରିବାର ପରାମର୍ଶ କେନ୍ଦ୍ରରେ ପହଞ୍ଚିଲା, କାଉନସେଲିଂ ସମୟରେ ସ୍ୱାମୀ କହିଥିଲେ ଯେ, ମୋ ସ୍ତ୍ରୀ ମୋ ସହିତ ସମୟ ବିତାଉ ନାହାଁନ୍ତି ଏବଂ ସବୁବେଳେ ଅନଲାଇନ୍ ରହୁଛନ୍ତି । ସ୍ୱାମୀ ଅଭିଯୋଗ କରିଛନ୍ତି ଯେ ତାଙ୍କ ସ୍ତ୍ରୀ ଅଜଣା ଲୋକଙ୍କ ସହ କଥା ହେଉଛନ୍ତିି । ସେ ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ତାଙ୍କର ଫଟୋ ପୋଷ୍ଟ କରନ୍ତି । ସେ ତାଙ୍କ ପରିବାର ବିଷୟରେ ଚିନ୍ତା କରନ୍ତି ନାହିଁ, ବରଂ ସେ ତାଙ୍କର ଅଧିକାଂଶ ସମୟ ସୋସିଆଲ ମିଡିଆରେ ବିତାଇବା ପସନ୍ଦ କରନ୍ତି ।
ସ୍ତ୍ରୀ କ’ଣ କହିଲେ?
ଯେତେବେଳେ ପୋଲିସ ମହିଳାଙ୍କୁ ଏ ବିଷୟରେ ପଚାରିଲା, ସେ କହିଲେ ଯେ ସୋସିଆଲ ମିଡିଆ ମୋର ବ୍ୟକ୍ତିଗତ ବିଷୟ । ମୋର ଫଟୋ ପୋଷ୍ଟ କରିବାର ସମ୍ପୂର୍ଣ୍ଣ ଅଧିକାର ଅଛି । ସେ ସ୍ପଷ୍ଟ ଭାବରେ କହିଲେ ଯେ, ସେ ତାଙ୍କ ସ୍ୱାମୀଙ୍କୁ ଛାଡିପାରିବେ, କିନ୍ତୁ ଇନଷ୍ଟାଗ୍ରାମ ଏବଂ ଫେସବୁକରେ ଫଟୋ ପୋଷ୍ଟ କରିବା ବନ୍ଦ କରିବେ ନାହିଁ ।
ମହିଳାଙ୍କୁ ବହୁତ ବୁଝାଇବା ପରେ ମଧ୍ୟ ସେ ରାଜି ହୋଇ ନଥିଲେ ଏବଂ କହିବାକୁ ଲାଗିଲେ ଯେ ଯାହା ହେଉନା କାହିଁକି, ସେ ସୋସିଆଲ ମିଡିଆରେ ପୋଷ୍ଟ କରିବା ବନ୍ଦ କରିବେ ନାହିଁ । ଏଥିପାଇଁ ସେ ତାଙ୍କ ସ୍ୱାମୀ ଏବଂ ପରିବାରକୁ ପରିତ୍ୟାଗ କରିବାକୁ ମଧ୍ୟ ପ୍ରସ୍ତୁତ । ସୋସିଆଲ ମିଡିଆ ଲୋକଙ୍କ ପାଇଁ ଲାଭଦାୟକ ହେଉଥିବା ବେଳେ, ଏହା ଅନେକ ଲୋକଙ୍କ ମାନସିକତା ଉପରେ ମଧ୍ୟ ନକାରାତ୍ମକ ପ୍ରଭାବ ପକାଉଛି । ସୋସିଆଲ ମିଡିଆ ଯୋଗୁଁ ଲୋକଙ୍କ ଭଲ ପରିବାର ଭାଙ୍ଗିଯାଉଛି ଏବଂ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ସମ୍ପର୍କ ମଧ୍ୟ ଭାଙ୍ଗିଯାଉଛି ।
ଯେତେବେଳେ ଉଭୟଙ୍କ ମଧ୍ୟରେ କୌଣସି ସମାଧାନ ନ ହେଲା, କେନ୍ଦ୍ର ସେମାନଙ୍କୁ ଫେରାଇ ଦେଲା ।