କ୍ରିଶା ରଥଙ୍କ ହିନ୍ଦୁସ୍ତାନୀ ଓ ଓଡିଶୀ ସଙ୍ଗୀତରେ ଝୁମିଲେ ଦର୍ଶକ
ଭୁବନେଶ୍ୱର, ଜାନୁଆରୀ ୩, ୨୦୨୬ : (ଦର୍ଶନ ସମୀକ୍ଷା)
ଯୁକ୍ତରାଷ୍ଟ୍ର ଆମରିକାର ପ୍ରତିଭାଶାଳୀ ସଙ୍ଗୀତ ଶିଳ୍ପୀ କ୍ରିଶl, ଜାନୁଆରୀ ୩, ୨୦୨୬ ରେ ଭୁବନେଶ୍ୱର ସ୍ଥିତ ଗୀତଗୋବିନ୍ଦ ସଦନରେ ହିନ୍ଦୁସ୍ତାନୀ ଓ ଓଡିଶୀ ଶାସ୍ତ୍ରୀୟ ସଙ୍ଗୀତର ଏକ ମନୋରମ ସନ୍ଧ୍ୟାରେ ସଙ୍ଗୀତ ପରିବେଷଣ କରି ଶ୍ରୋତାମାନଙ୍କୁ ମନ୍ତ୍ରମୁଗ୍ଧ କରିଥିଲେ।
ନିଜ ସଙ୍ଗୀତ ଯାତ୍ରାକୁ ଉତ୍ସର୍ଗ କରି, କ୍ରିଶା ଶାଶ୍ୱତ ରାଗ ଓ ଆତ୍ମସ୍ପର୍ଶୀ ସୁରମାଳାର ଏକ ସୁସଂସ୍କୃତ ପ୍ରସ୍ତୁତି ରଖିଥିଲେ, ଯେଉଁଥିରେ ଗଭୀର ରସବୋଧ ଓ ଶାସ୍ତ୍ରୀୟ ଶିକ୍ଷାର ଶ୍ରେଷ୍ଠ ଅଭ୍ୟାସ ପ୍ରକାଶିତ ହୋଇଥିଲା। ତାଙ୍କର ପରିବେଷଣରେ ଓଡିଶୀ ସଙ୍ଗୀତର ସୌନ୍ଦର୍ଯ୍ୟ ଓ ହିନ୍ଦୁସ୍ତାନୀ ସଙ୍ଗୀତର ଗଭୀରତା ସୁନ୍ଦର ଭାବେ ଏକାତ୍ମ ହୋଇଥିଲା।
କ୍ରିଶା ରଥ ଆମେରିକାରେ ରହୁଥିବା ଓଡିଶୀ ସଙ୍ଗୀତ ଗୁରୁ ଶ୍ରୀମତୀ ଆରତୀ ମିଶ୍ର ଓ ହିନ୍ଦୁସ୍ତାନୀ ଓ ସଙ୍ଗୀତ ଗୁରୁ ଶ୍ରୀମତୀ ବିନିତା ଅରୋରାଙ୍କ ମାର୍ଗଦର୍ଶନରେ ପ୍ରଶିକ୍ଷିତ। ତାଙ୍କର ଆତ୍ମବିଶ୍ୱାସୀ ପ୍ରସ୍ତୁତି, ସ୍ୱରର ପବିତ୍ରତା ଓ ଭାବାନୁଭୂତିପୂର୍ଣ୍ଣ ଅଭିବ୍ୟକ୍ତିରେ ଗୁରୁମାନଙ୍କର ପ୍ରଭାବ ସ୍ପଷ୍ଟ ଭାବେ ପ୍ରତିଫଳିତ ହୋଇଥିଲା।
ଏହି କାର୍ଯ୍ୟକ୍ରମରେ ଓଡିଶୀ ସଙ୍ଗୀତ ଓ ନୃତ୍ୟର ଅନେକ ପ୍ରସିଦ୍ଧ ମହାରଥୀ, ବରିଷ୍ଠ କଳାକାର, ସଙ୍ଗୀତ ଗବେଷକ, କଳାପ୍ରେମୀ ଓ ସସ୍କୃତିପ୍ରିୟ ବ୍ୟକ୍ତିବିଶେଷ ଉପସ୍ଥିତ ଥିଲେ, ଯାହା ସେହି ସନ୍ଧ୍ୟାକୁ ସ୍ମରଣୀୟ କରିଥିଲା।
ଏହି ସଙ୍ଗୀତ ସନ୍ଧ୍ୟା ଭାରତର ସମୃଦ୍ଧ ଶାସ୍ତ୍ରୀୟ ସାଂସ୍କୃତିକ ଐତିହ୍ୟ ପ୍ରତି ଏକ ଶ୍ରଦ୍ଧାଞ୍ଜଳି ରୂପେ ଉପସ୍ଥାପିତ ହୋଇଥିବା ସହ, କ୍ରିଶା ରଥଙ୍କ ବିକାଶଶୀଳ ସଙ୍ଗୀତ ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ମାଇଲ୍ଷ୍ଟୋନ୍ ହୋଇ ରହିବ ବୋଲି ଆଶା କରାଯାଉଛି । ସଙ୍ଗୀତ ପ୍ରେମୀ ମାନେ କାର୍ଯ୍ୟକ୍ରମକୁ ଭରପୂର ଉପଭୋଗ କରିଥିଲେ ।
କ୍ରିଶା ରଥ ହେଉଛନ୍ତି ଖ୍ୟାତନାମା ଚିକିତ୍ସକ ଡା. କଲ୍ୟାଣ ରଥ ଓ ଡା. ଦୁର୍ବା ମିଶ୍ରଙ୍କ ସୁକନ୍ୟା ।
ଏହି ସଂଗୀତ ସନ୍ଧ୍ୟାରେ ବିଶିଷ୍ଟ ଓଡ଼ିଆ ଗାୟିକା ପଦ୍ମଶ୍ରୀ ଶ୍ରୀମତୀ ଶ୍ୟାମାମଣି ଦେବି ମୂଖ୍ୟ ଅତିଥି ରୂପେ ଯୋଗଦେଇଥିଲେ l
Leave a Reply