OCA press meet..
ଆସନ୍ତା ଡ଼ିସେମ୍ବର 9ରେ ଆନ୍ତର୍ଜାତୀୟ ବାରବାଟୀ ଷ୍ଟାଡିୟମରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ପ୍ରଥମ ଟି-ଟ୍ୱେଣ୍ଟି ମ୍ୟାଚ୍ । ଏହି ମ୍ୟାଚକୁ ନେଇ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ବାରବାଟୀର ପିଚ୍ ଉଭୟ ରେଡ୍ ଓ ବ୍ଲାକ୍ ସଏଲରେ ପ୍ରସ୍ତୁତ କରାଯାଉଛି ।
ଆସନ୍ତାକାଲି ଅର୍ଥାତ ଡ଼ିସେମ୍ବର 1ରେ ଅନଲାଇନ୍ ରେ ଆରମ୍ଭ ହେବ ଟିକେଟ ବିକ୍ରି । District zomato ରେ ଆବେଦନ କରିବେ ଦର୍ଶକ । ଚଳିତ ବର୍ଷ ଟିକେଟ ସଂଖ୍ୟା କମି ଥିବା ବେଳେ । ଅନଲାଇନ୍ ରେ ୨ ହଜାର ଟିକେଟ ବିକ୍ରି ପାଇଁ ନିଷ୍ପତ୍ତି ନିଆଯାଇଛି । ଗ୍ୟାଲେରୀ ୧ ଓ ୩ ର ଦାମ୍୧୧୦୦ ଟଙ୍କା, ଗ୍ୟାଲେରୀ ୨ ଓ ୪ କୁ ୯୦୦ ଟଙ୍କା, ଗ୍ୟାଲେରୀ ୫ ନମ୍ବର୍ ୧୨୦୦ ଟଙ୍କା, ସ୍ପେଶଲ୍ ଏନ କ୍ଲୋଜର ୬୦୦୦ ଟଙ୍କା
ଏ ସି ବକ୍ସ ୮୦୦୦ ଟଙ୍କା, ନ୍ୟୁ ପାଭିଲିୟନ୍ ୧୦ ହଜାର ଟଙ୍କା ଏବଂ କର୍ପୋରେଟ ବକ୍ସ ୨୦ ହଜାର ଟଙ୍କା ରହିଥିବା ସୂଚନା ଦେଇଛନ୍ତି ଓସିଏ ସମ୍ପାଦକ ସଞ୍ଜୟ ବେହେରା ।
ସେହିଭଳି ପୂର୍ବ ମ୍ୟାଚରେ 44 ହଜାର 500 ଟିକେଟ ବିକ୍ରି ହୋଇଥିବା ବେଳେ ଚଳିତ ମ୍ୟାଚରେ 42 ହଜାର ଟିକେଟ ବିକ୍ରି କରାଯିବ । ଗ୍ୟାଲେରୀ ର ସିଟ କୁ 19 ଇଞ୍ଚ୍ ବଦଳରେ 22 ଇଞ୍ଚ୍ କରାଯାଇଛି । 18ହଜାର 400 କମ୍ପ୍ଲିମେଣ୍ଟାରି ଟିକେଟ ରହିଥିବା ବେଳେ ଚଳିତ ବର୍ଷ ଉଭୟ ଅନଲାଇନ ଓ ଅଫଲାଇନ୍ ରୁ 3080 ଟିକେଟ ସାଧାରଣ ଦର୍ଶକଙ୍କ କଟିଥିବା ବେଳେ କମ୍ପ୍ଲିମେଣ୍ଟାରି ରୁ 560 ଟିକେଟ କଟିଛି । ଚଳିତ ମ୍ୟାଚ ପାଇଁ ଆସନ୍ତା ଡ଼ିସେମ୍ବର 5ରେ ଅଫଲାଇନଟିକେଟ ବିକ୍ରି କରାଯିବ । ଏବଂ ଡ଼ିସେମ୍ବର 3 ତାରିଖ ଓ 4 ତାରିଖରେ ଅନୁବନ୍ଧିତ କ୍ଲବ୍ ମାନଙ୍କୁ ଟିକେଟ ବିକ୍ରି କରାଯିବ ।
ମ୍ୟାଚ୍ ଦିନ ୪ ଟା ବେଳକୁ ଦର୍ଶକ ମାନେ ଷ୍ଟାଡିୟମ୍ ପରିସର କୁ ପ୍ରବେଶ କରି ପାରିବେ। ଏହା ସହ ମ୍ୟାଚ୍ ଆରମ୍ଭ ହେବା ପୂର୍ବରୁ ଦର୍ଶକ ମାନେ ଲାଇଟ୍ ସୋ ର ମଜା ମଧ୍ୟ ନେଇ ପାରିବେ।
Leave a Reply