ଉଦ୍ଦୀପନ: ତୁଳନାତ୍ମକ ସ୍ମାର୍ଟ ସହର ମିଳିତ ଭାବରେ ଡିଜାଇନ କରିବାକୁ କିଶୋରଙ୍କ ନେତୃତ୍ୱାଧୀନ ପନ୍ଥା
ଭୁବନେଶ୍ୱର: ଦର୍ଶନ ସମୀକ୍ଷା
ହମାରା ବଚ୍ପନ ଟ୍ରଷ୍ଟ, ଡବ୍ଲୁ୍ୟଆର୍ଆଇ ଇଣ୍ଡିଆ ସହିତ ମିଳିତ ଭାବରେ ‘ଉଦ୍ଦୀପନ: ଦି ଫୁ୍ୟଚର ଇଜ୍ ଆୱାର୍ସ! ଆଡୋଲେସେଂଟ୍ସ୍ କୋ-ଡିଜାଇନିଂ ସ୍ମାର୍ଟର ସିଟିଜ’ ନାମରେ ଏକ ଉଲ୍ଲେଖନୀୟ ନାଗରିକ କାର୍ଯ୍ୟକ୍ରମ ଭୁବନେଶ୍ୱରସ୍ଥିତ ମେଫେୟାର କନ୍ଭେନ୍ସନରେ ଆୟୋଜନ କରିଥିଲା । ଏହି କାର୍ଯ୍ୟକ୍ରମ ଏହି ଧରଣର ପ୍ରଥମ ମଂଚ ହୋଇଥିଲା, ଯେଉଁଠାରେ କିଶୋରମାନେ ଯୁବ ଅନ୍ତର୍ଭୁକ୍ତିଭିତିକ ସହରାଂଚଳ ଭବିଷ୍ୟତ ନିମନ୍ତେ ସେମାନଙ୍କର ଚିନ୍ତାଧାରା ଓ ଦୂରଦୃଷ୍ଟି ବିନିମୟ କରିବାକୁ ସହରାଂଚଳ କର୍ତୃପକ୍ଷ, ନୀତି ନିର୍ଦ୍ଧାରକ ଏବଂ ଯୋଜନା ପ୍ରସ୍ତୁତକାରୀଙ୍କ ସହିତ ନିୟୋଜିତ ରହିଥିଲେ ।
ଶ୍ରୀମତୀ ଧରିତ୍ରୀ ପଟ୍ଟନାୟକ, ଫାଉଣ୍ଡର ଚେୟାରପର୍ସନ, ଏଚ୍ବିଟିଙ୍କ ଉଦ୍ବୋଧନରୁ କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା ଏବଂ ସେଥିରେ ସେ ସଂଗଠନର ଦଶନ୍ଧି ଧରି ଲକ୍ଷ୍ୟ ଓ ମୂଲ୍ୟବୋଧଗୁଡିକ ସମ୍ପର୍କରେ ଆଲୋକପାତ କରିଥିଲେ । ସେ କହିଥିଲେ,
“ହମାରା ବଚ୍ପନ ଟ୍ରଷ୍ଟ ନିରାପଦ, ସୁସ୍ଥ ଏବଂ ସମାବେଶୀ ପରିବେଶ ସୃଷ୍ଟି କରିବାକୁ ପ୍ରତିବଦ୍ଧ ରହିଛି ଯେଉଁଠାରେ ପିଲାମାନେ, କିଶୋର ଏବଂ ମହିଳାମାନେ ଇଜ୍ଜତର ସହିତ ବାସ କରିପାରିବେ । ବିଗତ ବର୍ଷଗୁଡିକରେ ଆମେ ଯୁବ ବର୍ଗଙ୍କୁ ସେମାନଙ୍କ ଜୀବନର ବାସ୍ତବତା ସମ୍ପର୍କରେ ପରିପ୍ରକାଶ କରିବା, ସ୍ଥାନୀୟ ଚାଲେଞ୍ଜଗୁଡିକ ଚିହ୍ନଟ କରିବା ଏବଂ ତୃଣମୂଳ ସ୍ତରରୁ ସହରାଂଚଳ ଏବଂ ଗ୍ରାମାଂଚଳ ଶାସନ ବ୍ୟବସ୍ଥାକୁ ପରିଭାଷିତ କରୁଥିବା ସମାଧାନଗୁଡିକ ମିଳିତ ଭାବରେ ସୃଷ୍ଟି କରିବା ଦିଗରେ ସଶକ୍ତ କରିଆସିଛୁ ।”
ଡ. କୃଷ୍ଣଚନ୍ଦ୍ର ମହାପାତ୍ର, ସମ୍ମାନନୀୟ ଗୃହନିର୍ମାଣ ଓ ସହରାଂଚଳ ବିକାଶ (ମୁଖ୍ୟ ଅତିଥି) ମନ୍ତ୍ରୀ ଯୁବ-ଅନ୍ତର୍ଭୁକ୍ତିଭିତିକ ସହରାଂଚଳ ବିକାଶ ନିମନ୍ତେ ସରକାରଙ୍କର ପ୍ରତିବଦ୍ଧତା ଉପରେ ଜୋର୍ ଦେଇଥିଲେ । ସେ କହିଥିଲେ, “କିଶୋରମାନେ କେବଳ ସହରଗୁଡିକର ବ୍ୟବହାରକାରୀ ନୁହନ୍ତି, ସେମାନେ ମଧ୍ୟ ଏହାର ସହ-ସ୍ରଷ୍ଟା ଅଟନ୍ତି । ସେମାନଙ୍କର ନିରୀକ୍ଷଣ ଏବଂ ଆକଳନ ଆମକୁ ସର୍ବସାଧାରଣ ସ୍ଥଳଗୁଡିକ କିଭଳି ସ୍ୱାସ୍ଥ୍ୟ, ନିରାପତା, ଅନ୍ତର୍ଭୁକ୍ତି ଏବଂ କଲ୍ୟାଣକୁ ପ୍ରଭାବିତ କରେ ତାହା ବୁଝିବାରେ ସହାୟତା କରୁଛି ।” ସେ ଆଉ ମଧ୍ୟ ସହରର ସର୍ବସାଧାରଣ ସ୍ଥଳଗୁଡିକ, ଭିନ୍ନକ୍ଷମତା ରହିଥିବା ପିଲାମାନଙ୍କ ନିମନ୍ତେ ସମାବେଶୀ ହେଉଥିବା ଆମୋଦ ପ୍ରମୋଦକାରୀ ଭିତିଭୂମି ତଥା ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗଙ୍କ ନିମନ୍ତେ ସୁଲଭ ବାସଗୃହ ପ୍ରକଳ୍ପଗୁଡିକ ଭଳି କ୍ଷେତ୍ରରେ ସହରଗୁଡିକରେ ନୂତନ ସଂସ୍କାର ଏବଂ ଭିତିଭୂମି କ୍ଷେତ୍ରରେ ପୁଞ୍ଜିନିବେଶ ସମ୍ପର୍କରେ ଉଲ୍ଲେଖ କରିଥିଲେ ।
ଶ୍ରୀ ଚଂଚଲ ରାଣା, ଆଇଏଏସ୍, କମିଶନର-ତଥା-ଭାଇସ୍ ଚେୟାରମ୍ୟାନ, ବିଏମ୍ସି ଓ ବିଡିଏ, ସହରାଂଚଳ ପ୍ରଶାସନରେ କିଶୋରମାନଙ୍କର ସଂପୃକ୍ତି ଉପରେ ଗୁରୁତ୍ୱ ଦେଇଥିଲେ । ସେ କହିଥିଲେ, “ପିଲାମାନେ ହେଉଛନ୍ତି ସଚ୍ଚୋଟ ମତାମତ ପ୍ରଦାନକାରୀ । ଯୋଜନା ଓ ଡିଜାଇନ ପ୍ରସ୍ତୁତି କ୍ଷେତ୍ରରେ ଯେତେବେଳେ ସେମାନଙ୍କୁ ଅଗ୍ରାଧିକାର ଦିଆଯାଏ ସେତେବେଳେ ଏହା ବିବିଧ ବୟସ ବର୍ଗର ଲୋକଙ୍କର ପୂର୍ଣ୍ଣାଙ୍ଗ କଲ୍ୟାଣ ସାଧନ କରିଥାଏ । ଆମେ ଏହା ସ୍ୱୀକାର କରିବାକୁ ହେବ ଯେ କିଶୋରମାନେ କେବଳ ହିତାଧିକାରୀ ନୁହଁନ୍ତି, ସେମାନେ ସହରଗୁଡିକର ସହ-ଡିଜାଇନ ପ୍ରସ୍ତୁତକାରୀ ଏବଂ ନାଗରିକ ଅଂଶଗ୍ରହଣକାରୀ ଅଟନ୍ତି । ସେମାନଙ୍କର ଅଭିଜ୍ଞତା ଯେଉଁ ଅନ୍ତର୍ଦୃଷ୍ଟି ପ୍ରଦାନ କରିଥାଏ ଯାହା କୋ÷ଣସି ଯୋଜନା ଦସ୍ତାବିଜ ଆପେ ପ୍ରସ୍ତୁତ କରିପାରିବ ନାହିଁ ।”
କିଶୋର-ନେତୃତ୍ୱାଧୀନ ଆକଳନ ଏବଂ ପିଏସ୍ଏଏଫ ସାଧନକୁ ୱାର୍ଡସ୍ତରୀୟ ଯୋଜନା ପ୍ରସ୍ତୁତି, ପରିମଳ ଅଡିଟ୍, ପଥଚାରୀ ଉପଯୋଗୀ ସଡ଼କ ଡିଜାଇନ, ସରକାରୀ ସୁବିଧାଗୁଡିକର ରକ୍ଷଣାବେକ୍ଷଣ ଏବଂ ବଜେଟ୍ସଂଯୁକ୍ତ ରୂପାୟନକାରୀ ଚାନେଲଗୁଡିକ ସହିତ ସମନ୍ୱିତ କରିବାକୁ ପ୍ରଶାସନିକ ସ୍ତରରେ ପ୍ରତିବଦ୍ଧତା ସମ୍ପର୍କରେ ସେ ପୁନଃଦୃୃଢତାର ସହିତ ପ୍ରକାଶ କରିଥିଲେ ।
“ରିଇମାଜିନିଂ ସିଟିଜ୍ ୱିଥ୍ ଆଣ୍ଡ୍ ଫର୍ ଆଡୋସେଂଟ୍ସ୍” ଶୀର୍ଷକ ଶ୍ୱେତପତ୍ର ପ୍ରକାଶ ସହିତ କାର୍ଯ୍ୟକ୍ରମ ପରିସମାପ୍ତ ହୋଇଥିଲା । ଉକ୍ତ ଶ୍ୱେତପତ୍ରରେ ଅମୃତ ୨.୦, ପିଏମ୍ଏୱାଇ-ୟୁ, ସ୍ମାର୍ଟ ସିଟିଜ୍ ମିଶନ ଏବଂ ସିଡିପି -୨୦୪୦ ଭିଜନ୍ ସହିତ କିଶୋର-ସମ୍ବେଦୀ ଯୋଜନା ପ୍ରସ୍ତୁତିକୁ ସମନ୍ୱିତ କରିବା ନିମନ୍ତେ ବିଧିବ୍ୟବସ୍ଥା ସମ୍ପର୍କରେ ପ୍ରସ୍ତାବ ଦିଆଯାଇଛି ।
Leave a Reply