ପାରଳା ମୁନିସିପାଲିଟିର ଜବରଦଖଲ ଉଚ୍ଛେଦ ପାଲଟିଛି ପ୍ରହସନ…… ରାସ୍ତାକଡ଼ର ଉଠା ଦୋକାନୀଙ୍କୁ ଉଚ୍ଛେଦ କରାଗଲା, ତେବେ ସରକାରୀ ଜାଗା ମାଡି ବସିଥିବା ବଡ଼ ବ୍ୟବସାୟୀଙ୍କୁ ଉଚ୍ଛେଦ କେବେ..?
ପାରଳାଖେମୁଣ୍ଡି,12/11(ତାରିଣୀ ପ୍ରସାଦ ପଣ୍ଡା ) ଦର୍ଶନ ସମୀକ୍ଷା
ପାରଳା ମୁନିସିପାଲିଟିର ଜବରଦଖଲ ଉଚ୍ଛେଦ ପାଲଟିଛି ପ୍ରହସନ. ରାସ୍ତାକଡ଼ର ଉଠା ଦୋକାନୀଙ୍କୁ ଉଚ୍ଛେଦ କରାଗଲା, ତେବେ ସରକାରୀ ଜାଗା ମାଡି ବସିଥିବା ବଡ଼ ବ୍ୟବସାୟୀଙ୍କୁ ଉଚ୍ଛେଦ କେବେ ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି. ବର୍ତ୍ତମାନ ଗଜପତି ଜିଲ୍ଲା ପାରଳାଖେମୁଣ୍ଡି ପୌରପରିଷଦ ଜିଲ୍ଲାପାଳଙ୍କ ନିର୍ଦ୍ଦେଶରେ ପୌରପରିଷଦ କାର୍ଯଳୟ ଠାରୁ ହାଇସ୍କୁଲ ଛକ ପର୍ଯ୍ୟନ୍ତ ଜବର ଦଖଲ ଉଚ୍ଛେଦ କରାଯାଇଛି । ରାସ୍ତା କଡରେ ବ୍ୟବସାୟ କରୁଥିବା ଉଠାଦୋକାନି ମାନଙ୍କୁ ପୌରପରିଷଦ ନିର୍ବାହୀ ଅଧିକାରୀ , ତହସିଲଦାର , ପୋଲିସ ଫୋର୍ଷ ଉପସ୍ଥିତିରେ ହଟା ଯାଇଥିଲା । ଏଥି ପୁର୍ବରୁ ହାଇସ୍କୁଲ ଛକ ଠାରୁ ବସଷ୍ଟାଣ୍ଡ ପର୍ଯ୍ୟନ୍ତ ଟ୍ରଫିକ ସମସ୍ୟାକୁ ନେଇ ପୌରପରିଷଦ କାର୍ଯ୍ୟାଳୟକୁ ଅନେକ ଥର ଅଭିଯୋଗ ଆସିଥିଲା । ଯାହାଫଳରେ ବର୍ତ୍ତମାନ ଟ୍ରାଫିକ ସମସ୍ୟାକୁ ଏଡାଇବା ପାଇଁ ରାସ୍ତା କଡରେ ବ୍ୟବସାୟ କରୁଥିବା ବ୍ୟବସାୟୀଙ୍କ ସହ ଡ୍ରେନ ପାରକରି ଯେଉଁମାନେ ଠେଲା ଗାଡିରେ ଦୋକାନ କରିଥିଲେ ଓ ଯେଉଁ ଦୋକାନୀ ମାନେ ଡ୍ରେନ ଉପର ପର୍ଯ୍ୟନ୍ତ ଦୋକାନ ଗୃହକୁ ବଢାଇଥିଲେ ସେସବୁକୁ ଉଛେଦ କରାଯାଇଛି । ଏହାପରେ ନୋ ପାରକିଙ୍ଗ ଏବଂ ପସରା ଖୋଲିବା ମନା ଲେଖାଥିବା ବୋର୍ଡ ଲଗାଇ ନିଜ କାମ ସାରିଲ ପୌର ପ୍ରଶାସନ । ସେପଟେ ଏହାକୁ ନେଇ ଜନସାଧାରଣଙ୍କ ମଧ୍ୟରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି । ପୌରପରିଷଦ ଓ ଜିଲ୍ଲା ପ୍ରଶାସନ ଗରିବ ଓ ରାସ୍ତା କଡର ବେପାରି ଉପରେ ନିଜ ବଳ ପ୍ରୟୋଗ କରୁଥିବା ବେଳେ ବଡବଡିଆ ବେପାରି ସହରର ମଧ୍ୟ ଭାଗରେ ରହି ଡ୍ରେନ ଉପରେ ନିଜର ବେପାର କରୁଛନ୍ତି ସେମାନଙ୍କୁ ପ୍ରଶାସନ କି ପୌରପରିଷଦ ହାତ ମାରିବାକୁ କୁଣ୍ଠାବୋଧ କରୁଥିବା ଅଭିଯୋଗ କରିଛନ୍ତି । ଅନେକ ସମୟରେ ରାସ୍ତା କଡର ବ୍ୟବସାୟୀ କରି ପରିବାର ପ୍ରତିପୋଷଣ କରୁଥିବା ଉଠ ଦୋକାନୀ ମାନଙ୍କୁ ପ୍ରଶାସନ ଉଛେଦ କରୁଥିବା ବେଳେ ସେମାନଙ୍କୁ ଥଇଥାନ କରିବା ସକାସେ କୌଣସି ପଦକ୍ଷେପ ନେଉନାହାଁନ୍ତି । ପୌରପରିଷଦ ପକ୍ଷରୁ ଦାର୍ଘ ବର୍ଷ ହେବ ସହରର ଅନେକ ସ୍ଥାନରେ ବଜାର ଗୃହ ନିର୍ମାଣ ହୋଇ ପଡିରହି କ୍ଷତ ଖାଉଛି କିନ୍ତୁ ସେଗୁଡିକୁ ଆବଣ୍ଟନ କରାଯାଉନାହିଁ । ଉକ୍ତ ମାର୍କେଟ କମ୍ପେ୍ଲସ୍କ ନିମନ୍ତେ ଅନେକ ସମୟରେ ବ୍ୟବସାୟୀମାନେ ପୌରପରିଷଦ ନିକଟରେ ଆବେଦନ କରୁଥିଲେ ମଧ୍ୟ ଏହାକୁ ଗୁରୁତର ଭାବେ ନେଉନି ପୌରପରିଷଦ । ଯାହାଫଳରେ ପାରଳା ସହରରେ ରାସ୍ତା କଡରେ ଉଠାଦୋକାନିଙ୍କ ସଂଖ୍ୟା ବଢୁଥିବା ସହ ଟ୍ରାଫିକ ସମୟ୍ୟା ସୃଷ୍ଟି ହେଉଥିବା ଅଭିଯୋଗ ହେଉଛି । ସେପଟେ ବର୍ଷ ବର୍ଷ ଧରି ରାସ୍ତା କଡରେ ବ୍ୟବସାୟ କରି ଘର ଚଳଉଥିବା ଉଠ ଦୋକାନୀ ଏବେ କରିବେ କଣ ତାଙ୍କୁ ଥଇଥାନ କରିବାକୁ ଦାବି କରିବା ସହ ବିଧାୟକଙ୍କ ନିକଟରେ ସହଯୋଗ ପାଇଁ ଲିଖିତ ଅନୁରୋଧ କରିଛନ୍ତି । ପୌର ପ୍ରଶାସନ ଟାଳଟୁଳ ନୀତି ଆପଣାୟୀ ତାଙ୍କ ପେଟରେ ଲାତ ମାରିଛି, ଆଉ ସେମାନେ ରୋଜଗାର ହରାଇଥିବା କହିଛନ୍ତି ଉଠାଦୋକାନି ।
ଗଜପତି ପୋଲିସ ଓ ଅବକାରୀ ବିଭାଗର ମିଳିତ ଚଢ଼ାଉରେ ବ୍ୟାପକ ପୋଚ ଓ ଦେଶୀ ମଦ ଜବତ ପାରଳାଖେମୁଣ୍ଡି, 12/11(ତାରିଣୀ ପ୍ରସାଦ ପଣ୍ଡା ):
ଗଜପତି ଜିଲ୍ଲାପାଳ ମଧୁସ୍ମିତା ଓ ଜିଲ୍ଲା ଏସପି ଯତିନ୍ଦ୍ର କୁମାର ପଣ୍ଡାଙ୍କ ନିର୍ଦେଶକ୍ରମେ ଜିଲ୍ଲାରେ ଚୋରା ମଦ କାରବାରକୁ ସମ୍ପୂର୍ଣ ରୁପେ ବିଲୋପ କରିବା ପାଇଁ ସମଗ୍ର ଜିଲ୍ଲାରେ ଲଗାତାର ଭାବେ ଚଢ଼ାଉ ଜାରି ରହିଛି. ଏହି ପରିପ୍ରେକ୍ଷୀରେ ଗଜପତି ଜିଲ୍ଲା ମୋହନା ପୋଲିସ ଓ ଅବକାରୀ ବିଭାଗ ତରଫରୁ ମୋହନା ଥାନା ଅଞ୍ଚଳର ତଳମାରି ଓ ପଥରଗଡା ଦୁଇ ଗୋଟି ଗ୍ରାମରେ ଚଢାଉ କରାଯାଇଛି. ଏହି ଦୁଇ ଗୋଟି ଗ୍ରାମରେ ଚୋରା ମଦ କାରବାର ଦୀର୍ଘ ଦିନ ଧରି ଚାଲୁ ରହିଥିବା ଅଭିଯୋଗରେ ଏହି ଚଢ଼ାଉ ହୋଇଛି. ଏଥିରେ 2 ହଜାର ଲିଟର ପୋଚ ଓ 180 ଲିଟର ଦେଶୀ ମଦକୁ ଜବତ କରାଯାଇ ନଷ୍ଟ କରାଯାଇଛି. ମୋହନା ପୋଲିସ ଓ ଅବକାରୀ ବିଭାଗର ସମସ୍ତ କର୍ମଚାରୀ ଏହି ଚଢ଼ାଉରେ ସାମିଲ ଥିଲେ.
Leave a Reply