ଅବନୀ ବରାଳ ଫାଉଣ୍ଡେସନ ପକ୍ଷରୁ
“ଶ୍ରଦ୍ଧା ଦିବସ” ପାଳିତ
ନାଟକ “ମଞ୍ଚକନ୍ୟାର କାହାଣୀ” ମଞ୍ଚସ୍ଥ
ଭୁବନେଶ୍ୱର 07.11(ଦର୍ଶନ ସମୀକ୍ଷା)
ଓଡ଼ିଶାରେ ଶିକ୍ଷା ଆନ୍ଦୋଳନକୁ ଆଗୁସାର କରାଇବା ସହିତ ସାହିତ୍ୟ, ସମାଜସେବା ଓ ମୂଲ୍ୟବୋଧ ରାଜନୀତି କ୍ଷେତ୍ରରେ ଅବନୀ ବରାଳଙ୍କ ଉଲ୍ଲେଖନୀୟ ଭୂମିକା ସ୍ମରଣୀୟ ରହିବ |
ଅବନୀ ବରାଳ ଫାଉଣ୍ଡେସନ ଆନୁକୂଲ୍ୟରେ
ସ୍ବର୍ଗତ ବରାଳ ଓ ତାଙ୍କ ପତ୍ନୀ ସ୍ବର୍ଗତା ଆଦରମଣି ବରାଳଙ୍କ ସ୍ମୃତିରେ ଅନୁଷ୍ଠିତ “ଶ୍ରଦ୍ଧା ଦିବସ” କାର୍ଯ୍ୟକ୍ରମରେ ଯୋଗ ଦେଇ ଅତିଥିମାନେ ସେ ଦୁହିଁଙ୍କ ଉଦ୍ଦେଶ୍ୟରେ ଭାବପୂର୍ଣ୍ଣ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି |
ସ୍ଥାନୀୟ ଭଞ୍ଜ କଳା ମଣ୍ଡପରେ ଆୟୋଜିତ ସଭାରେ ପ୍ରସିଦ୍ଧ କବି ଅମରେଶ ପଟ୍ଟନାୟକ ଅଧ୍ୟକ୍ଷତା
କରିଥିବାବେଳେ ବିଶିଷ୍ଟ ପ୍ରାବନ୍ଧିକା
ତଥା ନାଟ୍ୟକାର ପ୍ରଫେସର ସଂଘମିତ୍ରା ମିଶ୍ର ଓ ପ୍ରାକ୍ତନ ପ୍ରଶାସକ ଓ ଲେଖକ ନିରଞ୍ଜନ ସାହୁ ଅବନୀ ବାବୁଙ୍କ କୃତି ଏବଂ କୀର୍ତ୍ତୀର ଆଲୋଚନା କରିଥିଲେ |
ସଭାରେ ସାହିତ୍ୟିକ ଅଧ୍ୟାପକ କ୍ଷୀରୋଦ ଚନ୍ଦ୍ର ବେହେରାଙ୍କୁ ଅବନୀ ବରାଳ ସାହିତ୍ୟ ସମ୍ମାନ ଓ ପ୍ରବୀଣା ଅଭିନେତ୍ରୀ ସରସ୍ବତୀ ଦେବୀଙ୍କୁ ଆଦରମଣି ମଞ୍ଚକଳା ସମ୍ମାନ ପ୍ରଦାନ କରାଯାଇଥିଲା |
ଆରମ୍ଭରେ ଦିବଂଗତ ବ୍ୟକ୍ତିତ୍ୱଦ୍ବୟଙ୍କ ଫଟୋଚିତ୍ରରେ ଅତିଥିମାନେ ଶ୍ରଦ୍ଧା ସୁମନ ଅର୍ପଣ କରିଥିଲେ | ଡ଼. ଅମୀୟ କୁମାର ମହାନ୍ତି ପ୍ରାରମ୍ଭିକ ସୂଚନା ଦେଇଥିଲେ | ଅବନୀ ବରାଳଙ୍କ ସୁପୁତ୍ର ଅଧ୍ୟାପକ ଆଭାସ ଓ ସୁପୁତ୍ରୀ ଆରତୀ ଆୟୋଜନ ପରିଚାଳନା କରିଥିଲେ |
ସଭା ଶେଷରେ ଅବନୀ ବରାଳଙ୍କ
ଲିଖିତ ଉପନ୍ୟାସ “ମଞ୍ଚକନ୍ୟାର
କାହାଣୀ” ଅବଲମ୍ବନରେ ତାଙ୍କ ସୁପୁତ୍ରୀ ଆହୁତି ବରାଳଙ୍କ ଦ୍ୱାରା ରୂପାନ୍ତରିତ ନାଟକ ବିଶିଷ୍ଟ ନିର୍ଦେଶକ ଦେବାନନ୍ଦ ସୋନିଙ୍କ ନେତୃତ୍ୱରେ ପ୍ରଦର୍ଶିତ ହୋଇ ଦର୍ଶକମାନଙ୍କ ଦ୍ୱାରା ପ୍ରଶଂସିତ ହୋଇ ଥିଲା |
ସୂର୍ଯ୍ୟ ମିଶ୍ର
ସଦସ୍ୟ
ଅବନୀ ବରାଳ ଫାଉଣ୍ଡେସନ
Leave a Reply