ପ୍ରଜ୍ଞାଲୀନ’ର ହୃଦୟ
ନାରୀ ସୃଷ୍ଟିର ଏକ ଅଦ୍ଭୁତ ଅଧ୍ୟାୟ। ନାରୀ ହସିଲେ ଜଗତ ହସେ | ସେ ମା’ ରୂପେ ସ୍ନେହର ଅମୃତଧାରା, ଭଉଣୀ ରୂପେ ଆଦରର ସ୍ପର୍ଶ, ଓ ସହଧର୍ମିଣୀ ରୂପେ ଜୀବନର ସାଥୀ ହୋଇ ସମସ୍ତଙ୍କ ଜୀବନକୁ ସୁସଜ୍ଜିତ କରନ୍ତି। ତାଙ୍କ ହୃଦୟରେ ଥାଏ ଅସୀମ ସହନଶୀଳତା, ତ୍ୟାଗ ଓ ମମତାର ଗଭୀର ସମୁଦ୍ର। ନାରୀ କେବଳ ଏକ ପରିବାରର ନୁହେଁ, ସମାଜର ସଂସ୍କୃତି ଓ ସଭ୍ୟତାର ମୂଳ ଭିତ୍ତି।
ସମୟର ପରିବର୍ତ୍ତନ ସହିତ ନାରୀ ଆଜି ନିଜ ପ୍ରତିଭା, ଜ୍ଞାନ ଓ ସାହସରେ ନୂତନ ଦିଗ ଉଦ୍ଘାଟନ କରିଛନ୍ତି। ଶିକ୍ଷା, ବିଜ୍ଞାନ, ସାହିତ୍ୟ, କଳା, ପ୍ରଶାସନ ଓ ସମାଜସେବାର ପ୍ରତ୍ୟେକ କ୍ଷେତ୍ରରେ ସେ ନିଜର ଅମିଟ ଚିହ୍ନ ରଖିଛନ୍ତି। ସମସ୍ତ ବିପଦ ଓ ବାଧା ସତ୍ତ୍ୱେ ମଧ୍ୟ ସେ ନିଜ ସଂକଳ୍ପ ଓ ଧୈର୍ଯ୍ୟରେ ଜୀବନକୁ ନୂତନ ଆଶାର ଆଲୋକ ଦେଖାଇଛନ୍ତି।
ସମାଜର ସତ୍ୟ ସମୃଦ୍ଧି ସେତେବେଳେ ସମ୍ଭବ, ଯେତେବେଳେ ନାରୀଙ୍କୁ ସମ୍ମାନ, ସୁରକ୍ଷା ଓ ସମାନ ଅଧିକାର ମିଳିବ। ନାରୀର ହସ ହେଉଛି ପରିବାରର ପ୍ରଭାତ ଆଲୋକ, ଓ ତାଙ୍କର ସମ୍ମାନ ହେଉଛି ସମାଜର ଗର୍ବ।
ଆନ୍ତର୍ଜାତିକ ମହିଳା ଦିବସରେ ସମସ୍ତ ନାରୀଙ୍କୁ ହୃଦୟପୂର୍ବକ ଶୁଭେଚ୍ଛା ଓ ଅଭିନନ୍ଦନ ନାରୀ ସଦା ସଶକ୍ତ, ସମ୍ମାନିତ ଓ ପ୍ରେରଣାର ଶାଶ୍ୱତ ପ୍ରତୀକ ହୋଇ ରୁହୁନ୍ତୁ.. ଏହା ଆଜି ଦିବସର ପ୍ରଜ୍ଞାଲୀନ ହୃଦୟର ବାର୍ତ୍ତା ।
ଜୟ ଶ୍ରୀଜଗନ୍ନାଥ
Leave a Reply