🎯ବର୍ଷାରେ ଭୁଶୁଡିଲା କର୍ଲଭଟ, ବାହ୍ୟଜଗତରୁ ବିଛିନ୍ନ ଅବସ୍ଥାରେ ୨ଗାଁ……

ByDarshan Samikhya

Mar 20, 2023

Spread the love

🎯ବର୍ଷାରେ ଭୁଶୁଡିଲା କର୍ଲଭଟ, ବାହ୍ୟଜଗତରୁ ବିଛିନ୍ନ ଅବସ୍ଥାରେ ୨ଗାଁ

➡️ବର୍ଷାରେ ଭୁଶୁଡିଲା କର୍ଲଭଟ । ବାହ୍ୟ ଜଗତରୁ ବିଛିନ୍ନ ଅବସ୍ଥାରେ ୨ଟି ଗାଁ । ଭୋକ ଉପାସରେ ୧୦୦ ପରିବାର । କୋରାପୁଟ ଜିଲ୍ଲା ବନ୍ଧୁଗାଁ ବ୍ଲକରେ ଏପରି ଚିତ୍ର ଦେଖିବାକୁ ମିଳିଛି ।ଖବର ଅନୁଯାୟୀ, ବନ୍ଧୁଗାଁ ବ୍ଲକ ଠାରୁ ୭ କିମି ଦୂରରେ ଅବସ୍ଥିତି ୨ଟି ଗାଁ ଡିମିଟିଗୁଡ଼ା ଓ ଜାଙ୍ଗଡିବାଲାସା । ଗାଁକୁ ଯିବାକୁ ହେଲେ ଏହି ରାସ୍ତା ହିଁ ଭରସା । ଡିମିଟିଗୁଡ଼ାରୁ ସୁନାପାଳମୁଣ୍ଡା ଯାତାୟତ ପାଇଁ ପୋଲ ନିର୍ମାଣ ଚାଲିଛି । ୨ ବର୍ଷ ହେଲା ବହୁ ମନ୍ଥର ଗତିରେ ନିର୍ମାଣ ଚାଲିଛି । ସେଥିପାଇଁ ବର୍ଷା ଋତୁରେ ନାହିଁ ନ ଥିବା ଅସୁବିଧାରେ ସମ୍ମୁଖୀନ ହଉଛନ୍ତି ଏହି ୨ଟି ଗ୍ରାମର ବାସିନ୍ଦା ।ବର୍ଷା ଋତୁରେ ପ୍ରାୟ ୨ ମାସ ଏହି ଗ୍ରାମବାସୀମାନେ ଜଳବନ୍ଦୀ ହୋଇ ରହିଥାନ୍ତି । ଯିବା ଆସିବା କରିବାକୁ ଏକ କଲର୍ଭଟ ନିର୍ମାଣ ହୋଇଥିଲା । ହେଲେ ଏବେ ଲଗାଣ ବର୍ଷା ଲାଗି ସେହି କଲର୍ଭଟଟି ଭାଙ୍ଗିଯାଇଛି । ଯାହାଫଳରେ ଯିବା ଆସିବା କରିବାରେ ନାନା ଅସୁବିଧା ହେଉଛି ।