ଜାପାନୀୟ କାମିଶିବାଇ ଷ୍ଟୋରୀଟେଲିଂ ଓ ଆନିମେ କସପ୍ଲେ ବକୁଳ “ଫେଷ୍ଟିଭାଲ ଅଫ ଜାପାନ” ର ଏକ ବିଶେଷ ଆକର୍ଷଣ
ଶିଶୁ ଓ ଯୁବମାନେ ଜାପାନୀୟ କାମିଶିବାଇ ଷ୍ଟୋରୀଟେଲିଂ ଓ ଆନିମେ କସପ୍ଲେ ୱାର୍କଶପରେ ବକୁଳ ପାଠାଗାର ଆୟୋଜିତ ଫେଷ୍ଟିଭାଲ୍ ଅଫ୍ ଜାପାନର ଶେଷ ଦିନରେ ବହୁତ ଉତ୍ସାହର ସହିତ ଏଥିରେ ଭାଗ ନେଇଥିଲେ।
ଗତକାଲି ଜାପାନର କନସୁଲ୍ ଜେନେରାଲ୍ ଶ୍ରୀ ଇଶିକାୱା ଯୋଶିହିସାଙ୍କ ଦ୍ୱାରା ଉଦ୍ଘାଟିତ ହୋଇଥିବା ଏହି ଉତ୍ସବରେ ଯୁବମାନଙ୍କ ପାଇଁ ବିଶେଷ ଆକର୍ଷଣ ଥିଲା ଆନିମେ କସପ୍ଲେ ୱାର୍କସପ। ଜାପାନ କନସୁଲେଟ୍ରୁ ଆସିଥିବା ମେଗୁମି ଶିମାଦା ଶେଷ ଦିନରେ ଉତ୍ସବରେ ଯୋଗଦେଇ କହିଲେ ଯେ, ସେ ଫେଷ୍ଟିଭାଲ୍ ଅଫ୍ ଜାପାନରେ ମିଳିଥିବା ପ୍ରତିସାଦରେ ଖୁସି ଓ ଓଡ଼ିଶାର ଯୁବମାନଙ୍କ ମଧ୍ୟରେ ଜାପାନୀୟ ସଂସ୍କୃତି ପ୍ରତି ଆଗ୍ରହକୁ ଦେଖି ଅତ୍ୟନ୍ତ ଆନନ୍ଦିତ।
ଭୁବନେଶ୍ୱରରେ ଜଣାଶୁଣା ଆନିମେଟ୍ରୋ ଉତ୍ସବକୁ ଆୟୋଜନ କରୁଥିବା ଫରଜାନ୍ ଅଲୀ ଏହି ସୁଯୋଗରେ ୨୦୨୫ର ଆନିମେଟ୍ରୋର ତାରିଖ ୧୧-୧୨ ଅକ୍ଟୋବର୍ ଘୋଷଣା କଲେ। ସେ କହିଲେ, ଜାପାନର ପପ୍ କଲ୍ଚର୍ ଗୁରୁତ୍ୱପୂର୍ଣ୍ଣ ଅଂଶ ହେଉଛି କସପ୍ଲେ, ଯେଉଁଥିରେ ଆନିମେ ପ୍ରେମୀମାନେ ନିଜ ପସନ୍ଦର ଚରିତ୍ରର ପୋଷାକ ପିନ୍ଧିଥାନ୍ତି। ଓଡ଼ିଶାରେ ମଧ୍ୟ ଏହାର ଲୋକପ୍ରିୟତା ବୋହୁତ ବଢ଼ୁଛି।
ଅନନ୍ୟା ମିଶ୍ର ଓ ବିଶ୍ୱପ୍ରତିକଙ୍କ ଦ୍ୱାରା ଆନିମେ କସପ୍ଲେ ୱାର୍କଶପ ଭାଗୀଦାରମାନଙ୍କୁ ନିଜେ କିପରି ଚକଚକିଆ ପୋଷାକ ତିଆରି କରିବେ ବୋଲି ସେଥିରେ ସାହାଯ୍ୟ କରିଲେ। ଏଥିରେ ପ୍ରତିଯୋଗୀଙ୍କୁ ୱିଗ ଠାରୁ ପ୍ରପ୍ ପର୍ଯ୍ୟନ୍ତ, ଯେଉଁଥିରେ ସେମାନଙ୍କ ପ୍ରିୟ ଆନିମେ ଚରିତ୍ରମାନଙ୍କୁ ପ୍ରାଣବାନ୍ତ କରିପାରିବେ ତାହା ଶିକ୍ଷା ଦିଆ ଯାଇଥିଲା।
ଆନନ୍ୟା ମିଶ୍ର ପୁରୁଣା ୱିଗ୍ ଓ ପୁରୁଣା ମେକପ୍ ସାମଗ୍ରୀ କିପରି ପୁଣିଥରେ ୱିଗ୍ କଲର୍ ବଦଳାଇବା ପାଇଁ ବ୍ୟବହାର କରିହୋଇପାରିବ, ତାହା ଦେଖାଇଥିଲେ। ସେ କମ୍ ବ୍ୟୟରେ ୱିଗ୍ ଓ ପ୍ରାକୃତିକ କେଶକୁ କିପରି ସୁରକ୍ଷିତ ରଖିବା, ପ୍ରି ଓ ପୋଷ୍ଟ୍ କଲର୍ କେୟାର ସହିତ ଷ୍ଟାଇଲିଂ ଟିପ୍ସ ମଧ୍ୟ ଦେଲେ।
ତାପରେ, ବିଶ୍ୱ ପ୍ରପ୍ ମେ ଲକିଂ କରିବା ଶିଖାଇଲେ। ସେ ଇଭା ଫୋମ ଓ କିପରି ଇଭା ଫୋମ ସହଜ ଓ ସସ୍ତା ଦାମରେ କସପ୍ଲେରେ ବ୍ୟବହାର କରିହେବ ସେଇ ବିଷୟରେ ପ୍ରଶିକ୍ଷଣ ଦେଇଥିଲେ। ସେ କହିଲେ, ଏହାକୁ କଟ୍ କରି, ହିଟ୍ ଦ୍ୱାରା ଆକାର କରି, ତାହାରୁ ଖଣ୍ଡା, ମୁକୁଟ ଓ ଅନ୍ୟାନ୍ୟ ପ୍ରପ୍ ତିଆରି କରିହେବ। ସିଲିଂ ଓ ପେଣ୍ଟିଂ କଲେ, ଏହି ପ୍ରପ୍ ଧାତୁ, କାଠ, ବା ଅନ୍ୟ ପଦାର୍ଥ ପରି ଦିଶିଥାଏ, ଯାହା ନୂଆ ଓ ପୁରୁଣା କସପ୍ଲେ କଳାକାରଙ୍କ ଭିତରେ ବୋହୁତ ଜଣାଶୁଣା।
ଫେଷ୍ଟିଭାଲ୍ ଅଫ୍ ଜାପାନର ଶେଷରେ ବିଦ୍ୟୁତ ଲତା ଓ ଅଙ୍କିତା ପଟ୍ଟନାୟକଙ୍କ ଦ୍ୱାରା କାମିଶିବାଇ ଷ୍ଟୋରୀଟେଲିଂରେ ଚମତ୍କାର ପରିବେଷଣ କରିପାରିଥିଲେ। ସେମାନେ ଜାପାନୀୟ କିମୋନୋ ପୋଷାକ ପିନ୍ଧି, ପାରମ୍ପରିକ କାମିଶିବାଇ ଭାବରେ କାହାଣୀ ପରିବେଷଣ କରିଥିଲେ। କାଠରେ କାମିଶିବାଇ ବକ୍ସରେ ଆଙ୍କିତ ଚିତ୍ର ପୃଷ୍ଠାକୁ ଓଲଟାଇ ଓଲଟାଇ କାହାଣୀ ପରିବେଷଣ କରିଥିଲେ।
ଏଥିରେ ଦୁଇଜଣ ଷ୍ଟୋରୀଟେଲର ଏକାସାଥିରେ ସମସ୍ତ କାହାଣୀକୁ କହିଥିଲେ। ଜାପାନୀୟ ସଙ୍ଗୀତ, ଓଡ଼ିଆ-ଇଂରାଜୀ ସହିତ ସେମାନେ ଜାପାନର ଜଣାଶୁଣା କାହାଣୀ “ହାତୀ କିପରି ତା’ର ଲମ୍ବା ସୂଣ୍ଡ ପାଇଲା” କହି, ସମସ୍ତଙ୍କୁ ମନ୍ତ୍ର ମୁଗ୍ଧ କରିଥିଲେ।
Leave a Reply