ଓଡ଼ିଶାର ଅଗ୍ରଣୀ ସାମାଜିକ ସଂଗଠନ ଜୟ ଓଡ଼ିଶା ଦ୍ୱାରା ଏହାର “ରକ୍ତଦାନ” ଯୋଜନାର ୧୬ତମ ରକ୍ତଦାନ ଶିବିର ରୋଟାରୀ କ୍ଲବ ଅଫ ଆଇକନସ ଏବଂ ଶୁଶୃତ ହସ୍ପିଟାଲ ଓ ଟ୍ରମା କେୟାରର ମିଳିତ ଆନୁକୁଲ୍ୟରେ, ଫରେଷ୍ଟ ପାର୍କ ନିକଟସ୍ଥ ଶୁଶୃତ ହସ୍ପିଟାଲ ପ୍ରାଙ୍ଗଣରେ ହିଁ ଆୟୋଜିତ ହୋଇଥିଲା।
ଭୁବନେଶ୍ୱର :=(ଦର୍ଶନ ସମୀକ୍ଷା)ଏହି ଶିବିରଟି ଶୁଶୃତ ହସ୍ପିଟାଲର CEO ତଥା ନିର୍ଦ୍ଦେଶକ ଶ୍ରୀମତି ଚିଦାତ୍ମିକା ଖଟୁଆଙ୍କ ନେତୃତ୍ଵରେ ଓ ରେଡକ୍ରସର ପୂର୍ବତନ ଚେୟାରମ୍ୟାନ ମେଜର ଡଃ କଳ୍ପନା ଦାସ ପରିଚାଳନା ରେ ସମାପିତ ହୋଇଥିଲା। ଏଥିରେ ଅତିଥି ଭାବେ ଏକାମ୍ର ନିର୍ବାଚନ ମଣ୍ଡଳୀ ବିଧାୟକ ଶ୍ରୀ ବାବୁ ସିଂ ଓ ବିଜେପି ରାଜ୍ୟ ସଭାପତି ଶ୍ରୀ ନିରଞ୍ଜନ ମିଶ୍ର ଯୋଗଦାନ କରିଥିଲେ। ଏହି ରକ୍ତଦାନ ଶିବିରରେ ଏକାଧିକ ଯୁବପିଢ଼ି ଯୋଗାଇଦେଇଥିବାରୁ ବାବୁ ସିଂ ସମସ୍ତଙ୍କୁ ଖୁବ୍ ଉତ୍ସାହିତ କରିବା ସହ ଅନ୍ୟାନ୍ୟ ସଂଗଠନ ମାନଙ୍କୁ ମଧ୍ୟ ଏପରି ଶିବିର ଆୟୋଜନ କରିବା ନିମନ୍ତେ ଉଦବୋଧନ ଦେଇଥିଲେ।
ପୂଜା ଉତ୍ସବର ଆଗମନ କରି ଶ୍ରୀ ଗଣପତି ବପା ଧରାପୃଷ୍ଠରେ ଅବତାରଣ କରିବାକୁ ଯାଉଛନ୍ତି ଓ ଗଣେଶ ପୂଜାରେ ହଜାର ହଜାର ଯୁବପିଢ଼ି ଏକତ୍ରୀତ ହୁଅନ୍ତି ତେଣୁ ଏହି ସମୟରେ ଛୋଟ ଛୋଟ ରକ୍ତଦାନ ଶିବିରର ଆୟୋଜନ କରିପାରିଲେ ଭଗବାନଙ୍କ ଆଶୀର୍ବାଦ ମିଳିବା ସହ ସମାଜ କଲ୍ୟାଣ ମଧ୍ୟ ହେବ। ଏଣୁ ଯେଉଁମାନେ ବି ରକ୍ତଦାନ ଶିବିର ଆୟୋଜନ କରିବାକୁ ଇଛୁକ ଅଛନ୍ତି ସେମାନେ ସହାୟତା ନିମନ୍ତେ ଯୋଗାଯୋଗ କଲେ ମିଳିତ ଭାବେ ସମାଜ ପାଇଁ କାର୍ଯ୍ୟ କରିପାରିବା ବୋଲି ଜୟ ଓଡ଼ିଶା ସଭାପତି ରୁଦ୍ର ନାରାୟଣ ସାମନ୍ତରାୟ କହିଛନ୍ତି।
Leave a Reply