ଭୁବନେଶ୍ୱର //ଉତ୍କଳ ହସ୍ପିଟାଲ ଦ୍ୱାରା ଜାତୀୟ ହାଡ଼ ଓ ସନ୍ଧି ଦିବସ ଆଜି ପାଳନ କରାଯାଇଅଛି ଏବଂ ଏହି ଅବସରରେ ଉତ୍କଳ ହସ୍ପିଟାଲର ବରିଷ୍ଠ ଅସ୍ଥିଚିକିତ୍ସକ ଡା. ଦିବ୍ୟ ସିଂହ ଦାସଙ୍କ ନେତୃତ୍ୱରେ ଏକ ଉଚ୍ଚକୋଟୀର ପ୍ରଭାବଶାଳୀ ସଚେତନତା କାର୍ଯ୍ୟକ୍ରମ ଆୟୋଜିତ ହେଲା।

Spread the love

ଉତ୍କଳ ହସ୍ପିଟାଲ୍ ତରଫରୁ ଜାତୀୟ ବୋନ ଏବଂ ଯଏଣ୍ଟ ଦିବସ ପାଳନ
ଭୁବନେଶ୍ୱର, ୪ ଅଗଷ୍ଟ ୨୦୨୫ —(ଦର୍ଶନ ସମୀକ୍ଷା)

ଦେଶର ପ୍ରମୁଖ multi-speciality
ଉତ୍କଳ ହସ୍ପିଟାଲ ଦ୍ୱାରା ଜାତୀୟ ହାଡ଼ ଓ ସନ୍ଧି ଦିବସ ଆଜି ପାଳନ କରାଯାଇଅଛି ଏବଂ ଏହି ଅବସରରେ ଉତ୍କଳ ହସ୍ପିଟାଲର ବରିଷ୍ଠ ଅସ୍ଥିଚିକିତ୍ସକ ଡା. ଦିବ୍ୟ ସିଂହ ଦାସଙ୍କ ନେତୃତ୍ୱରେ ଏକ ଉଚ୍ଚକୋଟୀର ପ୍ରଭାବଶାଳୀ ସଚେତନତା କାର୍ଯ୍ୟକ୍ରମ ଆୟୋଜିତ ହେଲା। ଡା. ଦାସ ଓଡ଼ିଶାରେ ଅସ୍ଥି ଚିକିତ୍ସା ଓ ରୋବୋଟିକ ଯଏଣ୍ଟ ପରିବର୍ତ୍ତନ କ୍ଷେତ୍ରରେ ଜଣେ ମାନ୍ୟତାପ୍ରାପ୍ତ ବ୍ୟକ୍ତିତ୍ୱ ଏବଂ ସେ ଏହି କ୍ଷେତ୍ରରେ ଉତ୍କଳ ହସ୍ପିଟାଲଙ୍କ ପ୍ରୟାସକୁ ନିରନ୍ତର ଆଗକୁ ବଢ଼େଇ ନେଉଛନ୍ତି।

ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ଥିଲା ବୃଦ୍ଧ ବୟସ୍କ ମଧ୍ୟରେ ଅସ୍ଥି ଓ ସନ୍ଧି ସ୍ୱାସ୍ଥ୍ୟ ବିଷୟରେ ସଚେତନତା ବୃଦ୍ଧି କରିବା। ଏହି କାର୍ଯ୍ୟକ୍ରମରେ ୭୦ ରୁ ଅଧିକ ବରିଷ୍ଠ ନାଗରିକ ଅଂଶଗ୍ରହଣ କରିଥିଲେ, ଯାହା ଉତ୍କଳ ହସ୍ପିଟାଲ ପ୍ରତି ସାଧାରଣ ଲୋକଙ୍କ ଭରସା ଓ ସହଯୋଗକୁ ପ୍ରତିଫଳିତ କରେ।

ଡା. ଦିବ୍ୟ ସିଂହ ଦାସ “ବୃଦ୍ଧାବସ୍ଥାରେ ହାଡ଼ ସ୍ୱାସ୍ଥ୍ୟ: ପ୍ରତିରୋଧ, ଜୀବନଶୈଳୀ ଓ ପ୍ରାରମ୍ଭିକ ଚିକିତ୍ସା” ବିଷୟରେ ମୁଖ୍ୟ ବ୍ୟାଖ୍ୟାନ ଦେଇଥିଲେ। ସେ ଅଗ୍ରିମ ଚିହ୍ନଟ, ଜୀବନଶୈଳୀରେ ପରିବର୍ତ୍ତନ ଓ ନିୟମିତ ସ୍କ୍ରିନିଂର ଅବଶ୍ୟକତା ଉପରେ ଜୋର ଦେଇଥିଲେ। ସେ ତାଙ୍କ ଦୀର୍ଘ ଚିକିତ୍ସା ଅନୁଭବରୁ ଦୈନଦିନ ଛୋଟ ଛୋଟ ଅଭ୍ୟାସ କିପରି ଦୀର୍ଘକାଳୀନ ସମସ୍ୟା ରୋଧ କରିପାରେ, ତାହା ସହଜ ଭାଷାରେ ବ୍ୟାଖ୍ୟା କରିଥିଲେ।

ଏହି ଅବସରରେ ଡା. ଦାସ କହିଥିଲେ, “ହାଡ଼ ଓ ସନ୍ଧି ଚିକିତ୍ସା କେବଳ ଚିକିତ୍ସା ପ୍ରକ୍ରିୟା ନୁହେଁ — ଏହା ହେଉଛି ସାଧାରଣ ଲୋକଙ୍କୁ ସଚେତନ କରିବା, ରୋଗ ପ୍ରତିରୋଧ କରିବା, ଗତିଶୀଳତାକୁ ରକ୍ଷା କରିବା ଓ ଜୀବନ ଗୁଣବତ୍ତା ବଢ଼େଇବା ଉପରେ ଗଭୀର ଧ୍ୟାନ ଦେବା।” ସେଉଁଥିରୁ ତାଙ୍କର ଲୋକସ୍ୱାସ୍ଥ୍ୟ ପ୍ରତି ଅଦମ୍ୟ ଦୃଢତାକୁ ସଭାଗୃହରେ ବହୁତ ସ୍ନେହର ସହିତ ସ୍ୱୀକୃତି ମିଳିଥିଲା।

କାର୍ଯ୍ୟକ୍ରମକୁ ଗୌରବ ମୟ କରିଥିଲେ ଦୁଇଜଣ ମାନ୍ୟନୀୟ ଅତିଥି:

ଶ୍ରୀ ରବି କୁମାର, ଓଲିମ୍ପିୟନ ଓ ଫିଟ୍ନେସ୍ ପ୍ରଚାରକ, ଯିଏ ସ୍ୱାସ୍ଥ୍ୟସମ୍ମତ ଜୀବନଶୈଳୀ ଓ ମନୋବଳ ବଢ଼େଇବା ବିଷୟରେ ଦୃଢ଼ ମତ ପ୍ରକାଶ କରିଥିଲେ।

ଶ୍ରୀ ମନୋରଞ୍ଜନ ମିଶ୍ର, ବରିଷ୍ଠ ସାମ୍ୱାଦିକ ଯିଏ ପ୍ରତିରୋଧ ମୂଳକ ସ୍ୱାସ୍ଥ୍ୟ ସଚେତନା ଉପରେ ଆଲୋକ ପାତ କରି ଉତ୍କଳ ହସ୍ପିଟାଲର ଉଦ୍ୟମକୁ ପ୍ରଶଂସା କରିଥିଲେ।

ଏହି ଅବସରରେ ଅନ୍ୟ ଗୁରୁତ୍ୱପୂର୍ଣ୍ଣ ବ୍ୟାଖ୍ୟାନ ଦେଇଥିଲେ ଡା. ଆର.କେ. ମହାପାତ୍ର, ନିଦେଶକ – ଅସ୍ଥିଚିକିତ୍ସା, ଯିଏ “Joint Replacement ଓ Mobility Restoration ର ନୂତନ ଉନ୍ନତି” ବିଷୟରେ ଆଲୋଚନା କରି ଏହି ନୂତନ ପ୍ରଯୁକ୍ତିମାନେ କିପରି ରୋଗୀମାନଙ୍କ ଜୀବନକୁ ପରିବର୍ତ୍ତନ କରୁଛି, ତାହା ସେ ସାଧାରଣ ଭାଷାରେ ଉପସ୍ଥାପନ କରିଥିଲେ।
ଏହି ଅବସରରେ ଉତ୍କଳ ହସ୍ପିଟାଲର ଡା ତୁଷାର କାନ୍ତି ପଣ୍ଡା
ଏମ୍.ଏସ. (ଅରଥୋ )
ବରିଷ୍ଠ କଂଶଲଟାଣ୍ଟ ଅର୍ଥୋପେଡିକସ୍ ଏବଂ ଯଏଣ୍ଟ ରିପ୍ଲେସମେଣ୍ଟ ସର୍ଜରୀ ତାଙ୍କର ବକ୍ତବ୍ୟ ରଖିଥିଲେ

ମି. ସୁବୋଧ ସିଂହ, CEO – ଉତ୍କଳ ହସ୍ପିଟାଲ, ଓ ବିଭିନ୍ନ ବିଭାଗର ବରିଷ୍ଠ ଡାକ୍ତରମାନେ କାର୍ଯ୍ୟକ୍ରମରେ ଅଂଶଗ୍ରହଣ କରି ଅସ୍ଥି ଓ ବୃଦ୍ଧ ସେବା କ୍ଷେତ୍ରରେ ଉତ୍କଳ ହସ୍ପିଟାଲଙ୍କ ଦୃଷ୍ଟିକୋଣକୁ ପୁନଃ ଉପସ୍ଥାପିତ କରିଥିଲେ।

ଡା. ଦିବ୍ୟ ସିଂହ ଦାସଙ୍କ ନେତୃତ୍ୱରେ, ଉତ୍କଳ ହସ୍ପିଟାଲ ଉତ୍ତର ପୂର୍ବ ଭାରତରେ ଅଗ୍ରଣୀ ହାଡ଼ ଓ ସନ୍ଧି ଚିକିତ୍ସା କେନ୍ଦ୍ର ଭାବରେ ଅନ୍ୟତମ ବିଶ୍ୱାସ ଯୋଗ୍ୟ ଅନୁଷ୍ଠାନ ହୋଇପାରିଛି ।