ଯୁଗ ଯୁଗର ବିସ୍ମୟ ସ୍ରଷ୍ଟା- କବିବର ରାଧାନାଥ
ପ୍ରାଚୀପ୍ରଜ୍ଞା ପ୍ରଯୋଜନା ସଂସ୍ଥା, କଟକ ପକ୍ଷରୁ, ଆଜି ସନ୍ଧ୍ୟାରେ, ସ୍ଥାନୀୟ ଟାଉନହଲ୍ ପରେ ଆୟୋଜିତ, ‘ରାଧାନାଥରାୟ ସାହିତ୍ୟ ପରିକ୍ରମା’ ଶୀର୍ଷକ ସାହିତ୍ୟ ଓ ସଙ୍ଗୀତ ଅବସରରେ କବିବର ରାଧାନାଥ ରାୟଙ୍କୁ, ଯୁଗ ଯୁଗ ପାଇଁ ଜଣେ ଅନନ୍ୟ ତଥା ‘ବିସ୍ମୟ ସ୍ରଷ୍ଟା ଭାବେ ଅଭିଦିତ କରିଛନ୍ତି, ଏଥୁରେ ଉଦ୍ବୋଧନ ଦେଇଥିବା ବିଶିଷ୍ଟ ବକ୍ତାଗଣା ମୁଖ୍ୟ ଅତିଥି, ଅବସର ପ୍ରାପ୍ତ ପ୍ରଫେସର ଡକ୍ଟର ପ୍ରଫୁଲ୍ଲ କୁମାର ଦାଶ, ମୁଖ୍ୟବକ୍ତା- ରେଭେନ୍ସା ବିଶ୍ଵ ବିଦ୍ୟାଳୟ ଭାଷା ସାହିତ୍ୟ ବିଭାଗର ଶ୍ରୀ ଜ୍ଞାନୀ ଦେବାଶୀଷ୍ ମିଶ୍ର, ସମ୍ମାନିତ ଅତିଥ୍ ଏବଂ ସଭାପତି ଅବସର ପ୍ରାପ୍ତ ପ୍ରଫେସର ଶ୍ରୀ ମୋହିନୀକାନ୍ତ ମିଶ୍ର ପ୍ରମୁଖ ରାଧାନାଥଙ୍କ କାଳଜୟୀ ସୃଷ୍ଟି ଉପରେ ଆଲୋକପାତ କରିଥିଲେ । ଏତଦ୍ ବ୍ୟତୀତ, ସୁପରିଚିତା ସମ୍ବାଦ ପାଠିକା ତଥା ରଘୁନାଥଜୀୟୁ ଯୁକ୍ତ ଦୁଇ ମହାବିଦ୍ୟାଳୟର ଅଧ୍ୟକ୍ଷା ଡକ୍ଟର ସ୍ନେହଲତା ମିଶ୍ର ଏବଂ ଅବସର ପ୍ରାପ୍ତ ପ୍ରଧାନ ଶିକ୍ଷକ ଡକ୍ଟର ସତ୍ୟଜିତ୍ ମହାପାତ୍ର ସାରଗର୍ଭକ ସନ୍ଦର୍ଭ ପାଠ କରିଥିଲେ । ଏହି ଅବସରରେ ଆଡ୍ ଭୋକେଟ୍ ଗଣେଶ ପ୍ରସାଦ ମହାନ୍ତି ଓ ସାଥୀଙ୍କ ସଂଯୋଜନାରେ ଚିତାକର୍ଷକ ସଙ୍ଗୀତ ଆସର ଅନୁଷ୍ଠିତ ହୋଇଥିଲା । ପ୍ରାଚୀପ୍ରଜ୍ଞା ସଂସ୍ଥାର ପ୍ରଯୋଜକ ପ୍ରଭାତ କୁମାର ଜେଠୀ, ଧନ୍ୟବାଦ୍ ଅର୍ପଣ କରିଥିଲେ ।