ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ ର ଆଲୋଚନା ଚକ୍ର, ସମ୍ବର୍ଦ୍ଧନା ସଭା ଏବଂ ସାରସ୍ୱତ ବନ୍ଧୁ ମିଳନ
ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ ର ବ୍ରହ୍ମପୁର ଶାଖା କାର୍ଯ୍ୟଳୟ ଶୁଭାରମ୍ଭ
ବ୍ରହ୍ମପୁର ଦର୍ଶନ ସମୀକ୍ଷା : ବ୍ରହ୍ମପୁର ହାରିଡ଼ାଖଣ୍ଡି ଅଞ୍ଚଳର ଦ୍ବାରିକା ନଗର ଠାରେ ଚାଲିଥିବା ବିବେକାନନ୍ଦ ସଂସ୍କୃତି ମେଳା ପରିସରରେ ଓଡ଼ିଶାର ଅନ୍ୟତମ ପ୍ରାଚୀନ ଏବଂ ପ୍ରତିଷ୍ଠିତ ଅଗ୍ରଣୀ ସାହିତ୍ୟ ଅନୁଷ୍ଠାନ ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ, ବୁଗୁଡ଼ା,ଗଞ୍ଜାମ ତରଫରୁ ଆଲୋଚନା ଚକ୍ର, ସମ୍ବର୍ଦ୍ଧନା ସଭା ଏବଂ ସାରସ୍ୱତ ବନ୍ଧୁ ମିଳନ ଆୟୋଜିତ ହେଇଯାଇଛି ।
ବିକ୍ଷିପ୍ତା ସାହିତ୍ୟ ପ୍ରାତିଷ୍ଠାନ ର ସାଧାରଣ ସମ୍ପାଦକ ଡକ୍ଟର ଶ୍ୟାମା ପ୍ରସାଦ ମିଶ୍ର ପରିଚାଳନା ଏବଂ ଯୁବ କବି ଶ୍ରୀ ସୁପ୍ରଜିତ ସାହୁଙ୍କ ଉଦଘୋଷଣା ରେ ଅନୁଷ୍ଠିତ ଏହି କାର୍ଯ୍ୟକ୍ରମ ରେ ବର୍ଷିଆନ କବି ଶ୍ରୀ ଗୌରୀପତି ଦାଶ ସଭାପତି, ଖଲିକୋଟ ବିଶ୍ୱବିଦ୍ୟାଳୟର ପ୍ରାକ୍ତନ କୁଳପତି ପ୍ରଫେସର ଡକ୍ଟର ମନ୍ମଥ ପାଢ଼ୀ ଉଦ୍ଘାଟକ,
ବିଶିଷ୍ଟ ନାଟ୍ୟକାର ଏବଂ ଅବସରପ୍ରାପ୍ତ ଅଧ୍ୟକ୍ଷ ମେଜର ରମାରମଣ ପାଢ଼ୀ, ମୁଖ୍ୟଅତିଥି, ବ୍ରୁକ୍ଷବନ୍ଧୁ ତଥା ସୁସାହିତ୍ୟିକ ଶ୍ରୀ ସୁବାସ ଚନ୍ଦ୍ର ମହାରଣା, ବିଶିଷ୍ଟ କବି, ସାରସ୍ୱତ ସଙ୍ଗଠକ ଏବଂ ପ୍ରାକ୍ତନ ଓଡ଼ିଶା ସାହିତ୍ୟ ଏକାଡେମୀ ସଦସ୍ୟ ଶ୍ରୀ ସୁଶାନ୍ତ ଦାଶ, ଅବସରପ୍ରାପ୍ତ ଅଧ୍ୟକ୍ଷ ଡକ୍ଟର ନିଳାଞ୍ଚଳ ମୁନୀ , ଶ୍ରୀ ବି.ଗୋବିନ୍ଦ ରାଓ ଏବଂ ଆଲୋଚକ ଭାବେ ସାମନ୍ତିଆପଲ୍ଲୀ ମହାବିଦ୍ୟାଳୟ ଓଡ଼ିଆ ଭାଷା ସାହିତ୍ୟ ବିଭାଗ ମୁଖ୍ୟ ଡକ୍ଟର ଅଶୋକ କୁମାର ପଣ୍ଡା ଏବଂ ବିଶିଷ୍ଟ ସାହିତ୍ୟିକ, ସଙ୍ଗଠକ ତଥା ବିବେକାନନ୍ଦ ସଂସ୍କୃତି ମେଳାର ସଂଯୋଜକ ଶ୍ରୀ ମିହୀର ରଞ୍ଜନ ତ୍ରିପାଠୀ ଯୋଗଦେଇଥିଲେ । ପ୍ରଥମ ପର୍ଯ୍ୟାୟରେ ଗଜପତି, ରାୟଗଡ଼ା ଏବଂ ଗଞ୍ଜାମ ଜିଲ୍ଲାର ୧୮ ଜଣ ବର୍ଷିଆନ ସାରସ୍ୱତ ସାଧକଙ୍କୁ ଜୀବନ ବ୍ୟାପି ସାଧାନା ଏବଂ କୃତି ପାଇଁ ବିକ୍ଷିପ୍ତା ସମ୍ମାନ ପ୍ରଦାନ କରାଯିବା ସହ କବି ଶ୍ରୀ ମନୋଜ କୁମାର ଭୋଇ,ଟିକାବାଲି, ଙ୍କ ଓଡ଼ିଆ କବିତା ସଙ୍କଳନ ‘ପରିଭାଷା’ ଏବଂ ବୈଷୟିକ ଛାତ୍ରୀ ସୁଶ୍ରୀ ଶୁଭସ୍ମିତା ପଣ୍ଡା,ଛତ୍ରପୁର, ଙ୍କ ଇଂରାଜୀ ଗଳ୍ପ ସଙ୍କଳନ ‘କ୍ରୋନିକଲ ଚାଇମସ’ ଅତିଥି ମାନଙ୍କ ଦ୍ୱାରା ଉନ୍ମୋଚିତ ହେଇଥିଲା ।
ତ୍ରିଧାରା ସାହିତ୍ୟ ସଂସଦର ପ୍ରତିଷ୍ଠାତା ଏବଂ ସମ୍ପାଦକ ଏବଂ ପ୍ରାଚୀନ ସାହିତ୍ୟ ସଂସଦର ସଭାପତି ଡକ୍ଟର ଲକ୍ଷ୍ମୀନାରାୟଣ ଦାଶ ୨ୟ ପର୍ଯ୍ୟାୟରେ ସଭାପତି, ପ୍ରାଚୀନ ସାହିତ୍ୟ ସଂସଦର ପ୍ରତିଷ୍ଠାତା ସମ୍ପାଦକ ଶ୍ରୀ ବଂଶୀଧର ସେଠୀ, ଶ୍ୱେତପଦ୍ମା ସାହିତ୍ୟ ସାହିତ୍ୟ ସଂସଦର ପ୍ରତିଷ୍ଠିତା ସଭାପତି ଏବଂ ସର୍ଦ୍ଦାର ବଲ୍ଲଭଭାଇ ପଟେଲ ସାହିତ୍ୟ ସଂସଦର ସମ୍ପାଦକ ଏବଂ ସୁସଙ୍ଗଠକ ଇଂ.ଶ୍ରୀ ଵିଜୟ ଚନ୍ଦ୍ର ମିଶ୍ର ଏବଂ ବରିଷ୍ଠ କବୟିତ୍ରୀ ଏବଂ ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ ର ସମ୍ପାଦିକା ଶ୍ରୀମତୀ ବନ୍ଦନା ପଣ୍ଡା ଅତିଥି ଭାବେ ଯୋଗଦେଇ ଅତିଥି କବୟିତ୍ରୀ ମାନଙ୍କୁ ମାର୍ଗଦର୍ଶନ କରିଥିଲେ ।
ଏହି ପର୍ଯ୍ୟାୟରେ ଅତିଥି କବି ଏବଂ କବୟିତ୍ରୀ ମାନଙ୍କୁ ବିକ୍ଷିପ୍ତା ବନ୍ଧୁ ଏବଂ ଆମ ବିକ୍ଷିପ୍ତା ଆମରି ସ୍ରଷ୍ଟା ସମ୍ମାନରେ ସମ୍ମାନିତ କରାଯାଇଥିଲା ।
କାର୍ଯ୍ୟକ୍ରମ ରେ ବିକ୍ଷିପ୍ତା ର ସମ୍ପାଦକ ଶ୍ରୀ ବୈଷ୍ଣବ ଚରଣ ଦାଶ ସ୍ୱାଗତ ଏବଂ ଉପସଭାପତି ଶ୍ରୀମତୀ ପ୍ରଭାତୀ ମଞ୍ଜରୀ ବେହେରା ଧନ୍ୟବାଦ ଅର୍ପଣ କରିଥିଲେ । ବିକ୍ଷିପ୍ତା ର ଅନ୍ୟତମ ପ୍ରତିଷ୍ଠାତା ସଦସ୍ୟ ଶ୍ରୀ ପ୍ରମୋଦ ଚନ୍ଦ୍ର ପାଢ଼ୀ, କାର୍ଯ୍ୟକାରୀ ସଭାପତି ଅବସରପ୍ରାପ୍ତ ଯନ୍ତ୍ରୀ ଇଂ. ଶ୍ରୀ ପ୍ରସନ୍ନ କୁମାର ଦାଶ, ସହ ସମ୍ପାଦକ ଶ୍ରୀ ସୁନୀଲ କୁମାର ପ୍ରଧାନ, ଶ୍ରୀମତୀ କଳ୍ପନା ପ୍ରଧାନ, ସୁଶ୍ରୀ ଶ୍ୱେତାସ୍ମିନି ପଣ୍ଡା, ସୁଶ୍ରୀ ମୋନାଲିସା ମିଶ୍ର କାର୍ଯ୍ୟକ୍ରମର ସଫଳ ରୂପାୟନରେ ପୂର୍ଣ୍ଣ ସହଯୋଗ କରିଥିଲେ । ଡକ୍ଟର ଶ୍ୟାମା ପ୍ରସାଦ ମିଶ୍ର ପରିଚାଳିତ ଏହି ସମ୍ମିଳନୀ ରେ ଶତାଦ୍ଧିକ କବି କବୟିତ୍ରୀ ଯୋଗଦେଥିବା ଏହି ସମ୍ମିଳନୀ କୁ ଯୁବ କବି ଶ୍ରୀ ସୁପ୍ରଜିତ ସାହୁ ଉଦଘୋଷକ ରୂପ ଚମତ୍କାର ଭାବେ କାର୍ଯ୍ୟକ୍ରମର ସଫଳ ରୂପାୟନ ରେ ସହଯୋଗ କରିଥିଲେ । ଏହି ଅବସରରେ ୩୭ ବର୍ଷରେ ପାଦ ଦେବାକୁ ଯାଉଥିବା ବିକ୍ଷିପ୍ତା ସାହିତ୍ୟ ପ୍ରତିଷ୍ଠାନ ର ବ୍ରହ୍ମପୁର ଶାଖା କାର୍ଯ୍ୟାଳୟ ର ଶୁଭାରମ୍ଭ କରାଯାଇଥିଲା ।