ହିନ୍ଦୋଳବ୍ଲକ ଚଉଦକୋଷ ସମାଜ ଅନୁସୂଚିତ ଜାତିର ପକ୍ଷରୁ ବାର୍ଷିକସମ୍ମିଳନୀ
ହିନ୍ଦୋଳ{୧୭/୧/୨୫)-ଦର୍ଶନ ସମୀକ୍ଷା :ଢ଼େଙ୍କାନାଳ ଜିଲ୍ଲାର ହିନ୍ଦୋଳ ନିର୍ବାଚନ ମଣ୍ଡଳୀ ସାତମାଇଲ ହାଟପଡ଼ିଆ ଠାରେ ହିନ୍ଦୋଳ ବ୍ଲକର ଅନୁସୂଚିତ ଜାତିସମାଜ ଚଉଦକୋଷର ପରିଷଦ ପକ୍ଷରୁ ବାର୍ଷିକ ସମ୍ମିଳନୀ ଅନୁଷ୍ଟିତ ହୋଇଯାଇଛି ।ଏହି ସମ୍ମିଳନୀରେ ଅନୁସୂଚିତ ଜାତି ସମାଜର ଉନ୍ନତି କିପରି ହୋଇପାରିବ,ସଫେଇ କେବଳ ଏହି ସମାଜର କାମ ନୁହଁ ଆମ ସମାଜକୁ ହିନ ଦେଖିବାର ଭାବନା ଆଜି ଆମକୁ ପଛରେ ପକାଇଛି ଏବଂ ସମସ୍ତେ ମଦ୍ୟପାନରୁ ନିଜକୁ ନିବୃତ କରିବା ପାଇଁ ମଧ୍ୟ ଉଦ୍ୟମ କରିବା ବୋଲି ପୁରୁଣାକୋଟର ସନାତନ ଗୋଚ୍ଛାୟତ ଉଦବୋଧନ ଦେଇ କହିଥିଲେ।ସେହିପରି କାରନ୍ଦା ଗ୍ରାମର ଚତୁରୀ ଗୋଚ୍ଛାୟତ ପାଣି ସମସ୍ୟା ଉପରେ ଅଭିଯୋଗ କରିଥଲେ ଏବଂ କାରନ୍ଦା ଗ୍ରାମରେ ଅଲଗା ସମ୍ପ୍ରଦାୟର ଲୋକମାନଙ୍କ ଅପେକ୍ଷା ଆମ ସମ୍ପ୍ରଦାୟର ଲୋକମାନଙ୍କୁ ପାଣି ସମସ୍ୟାରୁ କିପରି ମୁକ୍ତି ପାଇବେ ସେ ବିଷୟରେ ଆଲେଚନା କରିଥିଲେ।ଉକ୍ତ କାର୍ଯ୍ୟକ୍ରମରେ ୪୬ ଟି ଗ୍ରାମର ପ୍ରାୟ ୨୦୦ ରୁ ଉର୍ଦ୍ଧ୍ବ ପୁରୁଷ ଓ ମହିଳା ଉପସ୍ଥିତ ଥିଲେ ।ପ୍ରାରମ୍ଭରେ ସଭାପତି ୱାଲୀ ଗୋଚ୍ଛାୟତ ବାର୍ଷିକ ବିବରଣୀ ପାଠ କରିବା ସହ, ସମାଜର ଭଲ ମନ୍ଦ ସମସ୍ୟାର ସମାଧାନ ଉପରେ ଆଲୋଚନା କରିଥିଲେ। ଦିନକୁ ଦିନ ଆମ ସଂସ୍କୃତି ପରମ୍ପରା ଓ ଆମ ଧର୍ମ ଲୁପ୍ତ ହୋଇଯାଉଥିବା ବସିଥିବା ବେଳେ,ସମାଜର ଏହି ବୈଠକ ଉକ୍ତ ସମାଜ ପାଇଁ ଦିଗଦର୍ଶନ ସାବ୍ୟସ୍ତ ହେବ ବୋଲି ସମାଜରେ ଥିବା ବୁଦ୍ଧିଜୀବୀ ମାନେ ମତ ଦେଇଛନ୍ତି।