ବିଦ୍ୟାଧରପୁର ବିଦ୍ୟାଳୟ ସମୂହର ବାର୍ଷିକ କ୍ରୀଡା ପ୍ରତିଯୋଗିତା :
କଟକ :ବିଦ୍ୟାଧରପୁର ବିଦ୍ୟାଳୟ ସମୂହର ୩୪ତମ ବାର୍ଷିକ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଉଦଘାଟନୀ ଉତ୍ସବରେ ନୋଡାଲ ଉପ୍ରା ବିଦ୍ୟାଳୟର ପ୍ରଧାନଶିକ୍ଷକ ସହଦେବ ସାହୁ ସଭାପତିତ୍ବ କରିଥିବାବେଳେ ଅତିଥି ଭାବେ ତିନୀଘରିଆ ସି ଆର୍ ସି ସି ସୁଶାନ୍ତ କୁମାର୍ ସାହୁ ଖେଳ କୁଦ ପ୍ରତିଯୋଗିତାକୁ ଉଦ୍ଘାଟନ କରି କହିଲେ ଛାତ୍ର ଛାତ୍ରୀ ମାନେ ପାଠ ପଢ଼ିବା ସହିତ ସୁସ୍ଥ ରହିବା ପାଇଁ ନିୟମିତ ଖେଳ କୁଦ କରିବା ଆବଶ୍ୟକ । ଖେଳ କୁଦ କରିଲେ ଶରୀର ଏବଂ ମନ ସୁସ୍ଥ ରହିବ ଏବଂ ପାଠ ପଢ଼ାରେ ମନ ଲାଗିବ ବୋଲି କହିଥିଲେ। ପ୍ରାରମ୍ଭରେ ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟତ୍ରୀ ମଞ୍ଜୁଶ୍ରୀ ମହାନ୍ତି ସ୍ଵାଗତ ଭାଷଣ ଦେବା ସହିତ କ୍ରୀଡା ପ୍ରତିଯୋଗିତା ସମ୍ପର୍କରେ ସୂଚନା ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ଗୋକୁଳାନନ୍ଦ ପଣ୍ଡା, ଦିଲ୍ଲୀପ ମହାରଣା ଉପସ୍ଥିତ ଥିଲେ। ଖେଳ ଶିକ୍ଷୟୀତ୍ରୀ ବାସନ୍ତୀ ବେହେରା, ଭାଗ୍ୟଶ୍ରୀ ରାଏ, ଶିକ୍ଷକ ହୃଷିକେଶ ମହାନ୍ତି କ୍ରୀଡା ପ୍ରତିଯୋଗିତା କୁ ପରିଚାଳନା କରିଥିଲେ। ବିଦ୍ୟାଳୟର ଅନ୍ୟ ଶିକ୍ଷକ ଶିକ୍ଷୟୀତ୍ରୀ ସୁପ୍ରଭା ପଣ୍ଡା, କଳ୍ପନା ରାଉତ, କବିତା ଆଚାର୍ଯ୍ୟ, ନମିତା ମହାନ୍ତି, ରିନାଖି ଷଡଙ୍ଗୀ, ବିଶ୍ୱଜିତ୍ ଜେନା, ସ୍ମିତା ସେଠୀ, ଊର୍ମିଳା ପଣ୍ଡା, ଜୟଶ୍ରୀ ସାହୁ, ଗୀତାଞ୍ଜଳି ସ୍ଵାଇଁ, ସୁପ୍ରିୟା ସେନାପତି, ସୁଶାନ୍ତ ପରିଡ଼ା ଏବଂ ମମତା ପଟ୍ଟନାୟକ ପ୍ରମୁଖ ସହଯୋଗ କରିଥିଲେ।