ଆୟୁଷ ଡ଼ାକ୍ତର ଚାକିରି ସ୍ଥାୟୀକରଣ ଦାବି; ପ୍ରଶାସନର ଆନ୍ତରିକତା ଅଭାବ, ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡିଲା ସଂଘ…..
ଭୁବନେଶ୍ବର,୦୨/ ୦୪: ବାରମ୍ବାର ଦାବି ପରେ ବି ଶୁଣୁ ନାହାନ୍ତି ରାଜ୍ୟ ସରକାର । ଜାତୀୟ ସ୍ବାସ୍ଥ୍ୟ ମିଶନ ଅଧୀନରେ କାର୍ଯ୍ୟ କରୁଥିବା ଅଲ୍ ଓଡ଼ିଶା ଆୟୁଷ ଡାକ୍ତର ସଂଘ ୧୬ ବର୍ଷ ହେବ ଚୁକ୍ତି ଭିତ୍ତିରେ ସିଏଚସି/ପିଏଚସିରେ କାର୍ଯ୍ୟ କରୁଛନ୍ତି । ସବୁ ଆୟୁଷ ଡାକ୍ତରଙ୍କୁ ଚାକିରି ନିୟମିତ କରିବା ପାଇଁ ସରକାର ବାରମ୍ବାର ପ୍ରତିଶ୍ରୁତି ଦେଲା ପରେ ମଧ୍ୟ କୌଣସି ପଦକ୍ଷେପ ଗ୍ରହଣ କରାଯାଇ ନାହିଁ ।
ଯାହାକୁ ନେଇ ଅସନ୍ତୋଷ ପ୍ରକାଶ କରିଛି ଓଡ଼ିଶା ଆୟୁଷ ସଂଘ । ଚୁକ୍ତିଭିତ୍ତିକ ଡ଼ାକ୍ତରମାନେ ଚାକିରି ସ୍ଥାୟୀକରଣ ଦାବି କହି ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛନ୍ତି ।
ଦୀର୍ଘ ୧୮ ବର୍ଷ ହେବ ଆୟୁଷ ଡାକ୍ତରମାନଙ୍କୁ ଚୁକ୍ତି ଭିତ୍ତିରେ କାର୍ଯ୍ୟ କରୁଛନ୍ତି । ଏହି ପ୍ରସଙ୍ଗରେ ଦୀର୍ଘ ଦିନ ଧରି ରାଜ୍ୟସରକାର ନୀରବଦ୍ରଷ୍ଟା ସାଜିଛନ୍ତି । ଯାହା ଅନେକ ପ୍ରଶ୍ନବାଚୀ ସୃଷ୍ଟି କରୁଛି । ୨୦୧୪ରୁ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ସମିତିର ଜାତୀୟ ସ୍ବାସ୍ଥ୍ୟ ମିଶନରେ ନିଯୁକ୍ତ ଆୟୁଷ ଡାକ୍ତର, ନର୍ସ, ସ୍ବାସ୍ଥ୍ୟକର୍ମୀ, ଫାର୍ମାସିଷ୍ଟ, ଲବୋରୋଟରୀ ଟେକ୍ନିସିଆନଙ୍କ ନିଯୁକ୍ତିକୁ ସ୍ଥାୟୀକରଣ ନିଷ୍ପତ୍ତିକୁ ସମ୍ପୂର୍ଣ୍ଣ ଭାବେ କାର୍ଯକାରୀ କରାଯାଇନାହିଁ । କେବଳ ୮୧୯୫ ଜଣ ନର୍ସ, ସ୍ବାସ୍ଥ୍ୟକର୍ମୀ, ଫାର୍ମାସିଷ୍ଟ, ଲବୋରେଟରି ତେକ୍ନିସିଆନ ଙ୍କୁ ୨୦୧୯ ଫ୍ରେବୃଆରୀ ମାସରେ ରାଜ୍ୟ କ୍ୟାବିନେଟ ବୈଠକ ଅନୁମୋଦନରେ ସ୍ଥାୟୀ କରାଯାଇଛି ।
ନିଯୁକ୍ତିପ୍ରାପ୍ତ ୧୪୮୫ ଜଣ ଆୟୁଷ ଡାକ୍ତର ସଂଘ ଅନେକବାର ସବୁସ୍ତରରେ ଆଲୋଚନା କରିଥିଲେ । ଶାନ୍ତି ପୂର୍ଣ୍ଣ ଆନ୍ଦୋଳନ କରି ଆସୁଥିଲେ ମଧ୍ୟ କେବଳ ମୌଖିକ ପ୍ରତିଶ୍ରୁତିରେ ସୀମିତ ରହିଛି । ଆୟୁଷ ଡାକ୍ତର ଓ ଆୟୁଷ ଚିକିତ୍ସା ବ୍ୟବସ୍ଥା ପ୍ରତି ସରକାରଙ୍କ ର ବୈମାତୃକ ମନୋଭାବକୁ ପ୍ରମାଣିତ କରୁଛି ବୋଲି କହିଛି ସଂଘ । ଚିକିତ୍ସା ସହିତ ରୋଗୀଙ୍କ ସ୍ୱାସ୍ଥ୍ୟବସ୍ଥାକୁ ଗୁରୁତ୍ବ ଦେଇଛି ସର୍ବ ପୁରାତନ ଆୟୁଷ ଚିକିତ୍ସା । ଏହି ପଦ୍ଧତିକୁ ପୁନଶ୍ଚ ମୁଖ୍ୟ ସ୍ରୋତକୁ ଆଣିବାକୁ ବିଧାନସଭାରେ ସମସ୍ତ ବିଧାୟକ ଏକ ବିଧେୟକ ଆଗତ କରିବାକୁ ଅଲ୍ ଓଡ଼ିଶା ଆୟୁଷ ଡାକ୍ତର ସଂଘ ଦାବି ଉପସ୍ଥାପନା କରୁଛନ୍ତି । ଏହା ସହିତ ମୁଖ୍ୟମନ୍ତ୍ରୀଙ୍କ ହସ୍ତକ୍ଷେପ ଲୋଡ଼ିଛି ସଂଘ ।