ବିଜେଡିକୁ ଫେରିଲେ ରାଜେନ୍ଦ୍ର ଦାସ: କହିଲେ- ଚାନ୍ଦବାଲି, ବାସୁଦେବପୁର ଓ ଧାମନଗର ଜିତିବ ବିଜେଡି!.ଯେତିକି ଲୋକଙ୍କୁ ବିଜେପି ନେଇ ଯାଇଥିଲେ ନୋମିନେସନ କରିବାକୁ ଅଧା ରୁ ଅଧିକା ଲୋକ ତ ମୋର. ଯାହା ହେଉ ସେମାନଙ୍କ ଅସଲ ଚେହେରା ନିର୍ବାଚନ ପୂର୍ବରୁ ଜଣାପଡିଲା. ଭଦ୍ରକ ଜିଲ୍ଲାର ସବୁ ସିଟ ବିଜେଡି ଖାତାକୁ ଆସିବ.
ଧାମନଗରର ବରିଷ୍ଠ ନେତା ତଥା ପୂର୍ବତନ ବିଧାୟକ ହେଉଛନ୍ତି ରାଜେନ୍ଦ୍ର ଦାସ । ସେ ବିଜେଡିରେ ସାମିଲ ପରେ ମୁଖ୍ୟମନ୍ତ୍ରୀଙ୍କୁ ଜଣାଇଛନ୍ତି ଧନ୍ୟବାଦ ।
ପ୍ରଥମେ ସ୍ୱାଧୀନ ଭାବେ ତା’ପରେ ବିଜେପିରେ ମିଶିଥିଲେ । ହେଲେ ବିଜେପିରେ ଅବହେଳିତ ହେବା ପରେ ପୁଣି ବିଜେଡିକୁ ଫେରିଛନ୍ତି ରାଜୁ । ଚାନ୍ଦବାଲି, ବାସୁଦେବପୁର ଓ ଧାମନଗର ସବୁ ଆସନ ବିଜେଡି ଜିତିବ ବୋଲି ଦମ୍ଭୋକ୍ତି ପ୍ରକାଶ କରିଛନ୍ତି ରାଜୁ । ବିଜେଡି ଓ ମୁଖ୍ୟମନ୍ତ୍ରୀଙ୍କ ପ୍ରତି ସବୁ ସମୟରେ ସହଯୋଗ ରହିବ ବୋଲି କହିଛନ୍ତି ।