ମାଧ୍ୟମିକ ବୋର୍ଡ ପରୀକ୍ଷା ଫଳ ବାହାରିବା ପରେ ବିଭିନ୍ନ ସ୍ଥାନରୁ ଛାତ୍ର ଛାତ୍ରୀ ମାନଙ୍କର ସଫଳତା ଖବର ଆସୁଥିବା ବେଳେ କଟକ ରୁ ଆସିଛି ଜଣେ ଟ୍ୟାକ୍ସି ଚାଳକ ଙ୍କ ପୁଅ କଟକରେ ମାଟ୍ରିକ ପରୀକ୍ଷା ରେ ଟପର ହୋଇଛନ୍ତି।

ରେଭେନ୍ସା କଲିଜିଏଟ ସ୍କୁଲ ର ଛାତ୍ର ଶ୍ରୀ ଆଶୁତୋଷ ସାହୁ 552 ନମ୍ବର ତଥା 92 ପ୍ରତିଶତ ରଖି A1 ଗ୍ରେଡ଼ ପାଇ ଟପ୍ପର ହୋଇଛନ୍ତି। ଶ୍ରୀ ସାହୁଙ୍କୁ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ର ନିର୍ଦ୍ଦେଶକ ରଘୁରାମ ଆୟାର, କଟକ ଜିଲ୍ଲା ଶିକ୍ଷା ଅଧିକାରୀ ଡକ୍ଟର ସନ୍ତୋଷ କୁମାର୍ ରାଉତ, ବି ଇ ଓ ସରସ୍ଵତୀ କାନୁନଗୋ ଏବଂ କଳିଯିଏଟ ସ୍କୁଲ ର ପ୍ରଧାନ ଶିକ୍ଷକ ସୁଶ୍ରୀ ପ୍ରଗତି ପଣ୍ଡା ଶ୍ରୀ ସାହୁ ଙ୍କୁ ଅଭିନନ୍ଦନ ଏବଂ ବଧାଇ ଜଣାଇ ଥିଲେ।

ଏଥି ସହିତ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ମାନେ ଶ୍ରୀ ସାହୁ ଙ୍କୁ ଅଭିନନ୍ଦନ ଜଣାଇଥିଲେ। ସେ ଜଣେ ଜଣେ ଟ୍ୟାକ୍ସି ଚାଳକ ଙ୍କ ପୁତ୍ର । ପରିବାର ର ଆର୍ଥିକ ସ୍ଥିତି ଭଲ ହୋଇନଥିଲେ ସୁଦ୍ଧା ପାଠ ପଢା ପାଇଁ ଆବଶ୍ୟକୀୟ ପାଠ୍ୟ ପୁସ୍ତକ କିଣିବାରେ ବାପା କେବେ ଅବହେଳା କରି ନାହାନ୍ତି ବୋଲି ଶ୍ରୀ ସାହୁ ପ୍ରକାଶ କରିଛନ୍ତି। ଏଥି ସହିତ ସେ ଭବିଷ୍ୟତରେ ଡ଼ାକ୍ତର ହେବାପାଇଁ ଇଚ୍ଛା ପ୍ରକାଶ କରିଛନ୍ତି।